طرف ته مخ راواړولو، اوئې فرمائيل: د خپل ورور د پاره د کفن دفن تياري وکړه! بيا يـې د خپل ورارۀ طرف ته مخ راواړولو (هٰغه ورارۀ کوم چې د هغوئي زوي وژلے وو، هغۀ ته يـې) وفرمائيل: اے ورارۀ! ستا نه ډيره غټه ګناه شوې ده (د دې نه توبه کړه!) او (ما خو تۀ معاف کړې، البته) د مړي مور له دِيّت ورکړه او راضي يـې کړه...!! حضرت اَحنَف رَضِىَ اللهُ عَـنْهُ فرمائي: دې واقعې ما ته حِلم زده کړو. ^([1])

سُبْحٰنَ اللہ! دا دے حِلم ...!! دې ته وئيلے شي: برداشت. کاش چې زمونږه هم برداشت کول نصيب شي. اٰمِین بِجَاہِ خَاتَمِ النَّبِیِّيْن صَلَّى اللهُ عَلَيْهِ وَاٰلِهٖ وَسَلَّم 

د حِلم تعريف او وضاحت

د حِلم معنیٰ دہ: بُردباري(زغمل،برداشت)، نَرمي. اِمامِ غزالي رَحْمَةُ اللهِ عَلَيْه فرمائي: چې انسان له غصه ورشي او هغۀ د کوشش کولو سره، په تکلَف سره، نفس مجبوره کړي او غصۀ قابو کړي نو دې عمل ته کَظمُ الغَيظ وئيلے شي، يعنې غصه څښل، که چرې بيا بيا دغه شان د غصې څښلو مشق وکړے شي، تر دې پورې چې داسې حالت جوړشي چې غصه هډو راځي نه او که چرې غصه راشي نو  د دې پۀ قابو کولو کښې د تکلف نه کار اخستل نه غواړي بلکې پۀ اسانۍ سره غصه قابو شي، دې حالت ته حِلم وئيلے شي. اِمامِ غزالي رَحْمَةُ اللهِ عَلَيْه نور فرمائي: د غصې څښلو پۀ نسبت حِلم ډير افضل دے، حِلم د عقل د کمال دليل دے. ^([2])

حِلم د الله پاک سُنَّت دے

خوږو او محترمو اِسلامي وروڼو! حِلم د الله پاک سُنَّت هم دے. د الله پاک پۀ ښکلو