Book Name:Bardasht Sunnat e Ambiya Hai
اے د خوږ نبي صَلَّى اللهُ عَلَيْهِ وَاٰلِهٖ وَسَلَّم عاشقانو! پۀ ښو ښو نيتونو د عمل ثواب زياتيږي. راځئ چې د بيان اوريدو نه مخكښې څۀ ښۀ ښۀ نِيَّتونه وكړو: مَثَلاً * د الله پاک د رضا د پاره به ټول بيان اورم * پۀ اَدب به کښينم * ښۀ پۀ توجُّه به بيان اورم * څۀ چې واورم، د هغې به د يادولو، پخپله پرې د عمل کولو او نورو ته د رَسولو کوشش کووم.
صَـــلُّـــوْا عَـــلَـی الْــحَـــبِــيْــب! صَـلَّـی اللهُ تَعالٰـی عَلـٰی مُـحَـمَّد
صحابئ رسول حضرت مُنِيب اَزدِي رَضِىَ اللهُ عَـنْهُ فرمائي: د اِسلام قبلولو نه مخکښې ما د الله پاک اخري نبي، مکي مَدَني صَلَّى اللهُ عَلَيْهِ وَاٰلِهٖ وَسَلَّم وليدلو، د نبي کريم صَلَّى اللهُ عَلَيْهِ وَاٰلِهٖ وَسَلَّم ګير چاپيره خلق راجمع وو، هغوئي فرمائيل: اے خلقو! لَا اِلٰہَ اِلَّا اللہ ووايئ! او کامیابي بيامومئ...!! خلقو به (د نبي کريم صَلَّى اللهُ عَلَيْهِ وَاٰلِهٖ وَسَلَّم پۀ صفا او رښتينو خبرو باندې د غور کولو او د اِسلام قبلولو سره د دوزخ نه د ازادۍ موندلو پۀ ځائے اُلټا) ظلمونه کول. مَعَاذَ الله! چا به پۀ رسولِ کريم صَلَّى اللهُ عَلَيْهِ وَاٰلِهٖ وَسَلَّم باندې خاورې ورويشتلې او چا به ورته کنځلې کولې. تر ماسپښينه پورې هم دغه معامله وه. بيا چې کله ټول خلق اخوا ديخوا لاړل نو يوې زنانه پۀ غټ جام کښې اوبه راوړلې او پۀ خدمت کښې حاضره شوه او د نبي کريم صَلَّى اللهُ عَلَيْهِ وَاٰلِهٖ وَسَلَّم مخ يـې ووينځلو. ما هلته د موجودو خلقو نه د هٰغې زنانه پۀ باره کښې پوښتنه وکړه نو هغوئي وه وئيل: دا د هغوئي (يعنې د رَسُولُ الله صَلَّى اللهُ عَلَيْهِ وَاٰلِهٖ وَسَلَّم) لور زينب ده. ([1])
داسې يوه واقعه د حضرت حارِث بن حارِث رَضِىَ اللهُ عَـنْهُ نه روايت ده، پۀ دې کښې دا هم دي چې کله خلق اخوا ديخوا لاړل نو حضرت زينب رَضِىَ اللهُ عَـنْها پۀ ژړا حاضره شوه، د