برداشت د انبيائے کرامو علَيهِمُ الصلوٰۃُ وَ السَّلام سنَّت دي

پاک نه غوښتلے نو هيڅکله به هم ما ته دا تکليف نه رارسيدلو نو د دې پۀ برکت به اِنْ شَآءَ اللہُ الْکَرِیم! برداشت کول هم اسان شي او مونږه به د ثواب حقداران هم جوړ شو.

د برداشت د قوت نا اشنا مِثال

خوږو او محترمو اِسلامي وروڼو! دا کوم مثالونه چې مونږه عرض کړل او عموما دلته چي په کومو کارونوغټې غټې جګړې کيږي، دا خو ډيرې معمولي خبرې دي، پۀ حقيقت کښې حِلم څۀ ته وئيلے شي؟ پۀ اصل کښې برداشت څۀ څيز دے؟ راځئ چې زۀ تاسو ته يوه ښکلې واقعه بيان کړم. حضرت اَحنَف بن قَيس رَضِىَ اللهُ عَـنْهُ تابعي بزرګ دے، يعنې هٰغه خوش قِسمته دے چا چې د صحابۀ کرامو رَضِىَ اللهُ عَـنْهُم د صحبت نه فيض حاصل کړے وو. هغوئي پۀ حِلم کښې ډير مشهور وو، د ډير حِلم والا وو. يو ځل هغوئي پۀ يو ځائے تيريدل نو چا هغوئي ته کنځل وکړل.

اوس دلته خو د يوې کنځلې پۀ جواب کښې چې تر څو پورې 10 کنځلې نه وي شوې نو خلقو ته سکون نه ميلاؤيږي خو دا تابعي وو، نيک بنده وو، چا ورته کنځلې وکړې، هغوئي هٰغه طرف ته هډو توجه اونه کړه، پۀ خپله لاره باندې روان وو. هٰغه د کنځلو والا چې کوم کَس وو، هغۀ ورپسې شاته شاته روان دے. هغوئي د هغۀ کنځلې اوريدلې، پۀ خاموشۍ سره روان وو، چې کله خپلې قبيلې ته ورنزدې شو نو ودريدو. هٰغه کَس ته يـې مخ راواړولو، اوئې فرمائيل: که چرې ستا پۀ زړۀ کښې څۀ باقي وي نو اوس يـې ووايه ځکه چې زما پۀ قبيله کښې زما سره محبت کوونکو که ستا خبرې واوريدلې نو کيدےشي چې تا ته به تکليف ورسوي (ځکه چې څومره کنځلې کول غواړې، هم دلته ودريږه او اوئې کړه، زۀ يـې اورم). د هغوئي دا خبره چې يـې واوريدله نو هٰغه کَس ډير وشرميدو او واپس لاړو. ^{(^[1])}

[1]... احیاء العلوم، کتاب ریاضۃ النفس، بیان علامات حسن الخلق، جلد:3، صفحہ:91 بتصرف۔

Important

Mobile Apps

Contact Us