انکار الزام لګوونکے د بدل اخستو د طاقت او وَس لرلو باوجود معاف کړو او ښه سلوک يـې ورسره وکړو. د دې روايت نه مونږ ته دا سبق هم حاصل شو چې پۀ تجارت کښې د اخستو او خرڅولو پۀ وخت د حِلم، برداشت، رښتياؤ او ديانت دارۍ نه کار اخستل پکار دي. پۀ سودا خرڅوونکي يا اخستونکي کښې که څوک هم تکليف رسوونکې خبره وکړي نو د اخرت د پاره د نيکو د ذخيرې [جمع] کولو سره د صبر ګُوټ کول پکار دي. د جوابي کاروايۍ کولو او د جنګ جګړو سره سره پۀ خپل مينځ کښي د نفرتونو سبب هم جوړيدے شي. د بدو خبرو، د زړۀ ازارولو او د تورونو لګوونکو جملو وئيلو شکل کښې پۀ کبيره ګناهونو کښي د اخته کيدو هم انديښنه ده. ځکه مونږ له پکار دي چې پۀ داسې موقع باندې پۀ غصه کښې د راتللو، پۀ ترس نظر د نورو د ويرولو او د نۀ خبرې نه د خبرې جوړولو پۀ ځائے د صبر نه کار اخستل پکار دي چې دغه شان پخپله هم د ګناهونو نه بچ شو او د نورو  د بچ کولو هم کوشش وکړو.

(2): تا به زما نه څوک بچ کوي...!!

  يو ځل خوږ آقا و مولا، مکي مَدَني مصطفٰے صَلَّى اللهُ عَلَيْهِ وَاٰلِهٖ وَسَلَّم د صحابۀ کرامو رَضِىَ اللهُ عَـنْهُم سره پۀ سفر باندې وو، پۀ يو ځائے کښي يـې دمه وکړله، صحابۀ کرام رَضِىَ اللهُ عَـنْهُم پۀ لږه فاصله کښې ايسار شول او خوږ آقا و مولا، مکي مَدَني مصطفٰے صَلَّى اللهُ عَلَيْهِ وَاٰلِهٖ وَسَلَّم يواځې د يوې وَنې لاندې تشريف فرما شولو، غير مسلمه کوم چې به هر وخت محبوبِ خُدا، سردارِ اَنبيا صَلَّى اللهُ عَلَيْهِ وَاٰلِهٖ وَسَلَّم له د تکليف ورکولو ناپاکه  منصوبے جوړولې، پۀ دې کښې يو غير مسلمه د چا نوم چې غَورَث وو، هغۀ ناڅاپه د چرته نه ظاهر شو، توره يـې راويستې وه، د بريښنا پۀ شان يـې توره ځلوله او د خوږ نبي، رسولِ هاشمي صَلَّى اللهُ عَلَيْهِ وَاٰلِهٖ وَسَلَّم خوا ته راورسيدو او پۀ غرور او تکبر کښې يـې وه وئيل: مُحَمَّد (صَلَّى اللهُ عَلَيْهِ وَاٰلِهٖ وَسَلَّم )! وايه! اوس به تا زما نه څوک بچ کوي؟ محبوبِ رحمان، د دواړو جهانونو سلطان صَلَّى اللهُ عَلَيْهِ وَاٰلِهٖ وَسَلَّم ډير