Book Name:Bardasht Sunnat e Ambiya Hai
تعلق پريږدي، زۀ د هغوئي سره ښه سلوک کووم خو هغوئي زما سره بد سلوک کوي، زۀ د هغوئي سره نرمي کووم خو هغوئي زما سره د جهالت سلوک کوي. نبي کريم صَلَّى اللهُ عَلَيْهِ وَاٰلِهٖ وَسَلَّم ارشاد وفرمائيلو: که معامله داسې وي څنګه چې يـې تۀ بيانوې نو ستا سره به د الله پاک د طرف نه يو مددګار وي تر څو پورې چې تۀ پۀ دې حال باندې يـې. ([1])
معلومه شوه چې انسان تر څو پورې د صبر او بُردبارۍ او برداشت نه کار اخلي نو تر هٰغه وخته پورې د الله پاک د طرف نه يوه مددګاره فرښته د هغۀ مدد کوي، لهذا اوس چي څوک وائي چې تر څو پورې به برداشت کوو؟ هغوئي له پکار دي چې تر هٰغه وخته پورې برداشت کوي، تر څو پورې چې هغوئي د الله پاک مدد د ځان سره ساتل غواړي، چې کله دا ښکاره شي چې (مَعَاذَ الله! ) اوس د الله پاک د مدد ضرورت نشته، هٰغه وخت دې برداشت کول هم پريږدي. اَلْحَمْدُ لِلّٰہ! مونږه ته خو هر وخت د الله پاک د مدد ضرورت دے، تر مرګه پورې بلکې د مرګ نه پس هم ضرورت دے، ځکه پکار دي چې تر اخري وخته پورې هُم برداشت کوو.
خوږو او محترمو اِسلامي وروڼو! د بيان پۀ اخره کښې د خوږ محبوب آقا، مکي مَدَني مصطفٰے صَلَّى اللهُ عَلَيْهِ وَاٰلِهٖ وَسَلَّم يو ښکلے نصيحت واورئ! دا نصيحت زما د پاره هم دے، ستاسو د پاره هم دے، د زيد، عَمَرو، بکر وغيره د ټولو د پاره دے. د دواړو جهانو سردار، رحمتِ عالميان صَلَّى اللهُ عَلَيْهِ وَاٰلِهٖ وَسَلَّم ارشاد وفرمائيلو: آيا تاسو د اَبُو ضَمضم پۀ شان نشئ کيدے؟ صحابۀ کرامو رَضِىَ اللهُ عَـنْهُم عرض وکړو: اَبُو ضَمضم څوک دے؟ اوئې فرمائيل: ستاسو نه پۀ مخکښينو خلقو کښې يو کَس وو، چې کله به سحر شو نو هغۀ به داسې وئيل: اے الله پاکه! ما د نن ورځې خپل عزت هٰغه کَس ته صدقه کړو (يعنې هغۀ مې معاف کړو)