جائے کہ اس کی نگاہ کے سامنے ہو ، سرہانے سے نہ آئے کہ اُسے سر اُٹھا کر دیکھناپڑے ۔   ( فتاویٰ رضویہ ، ۹/۵۳۲ ) *قبرستان میں اِس طرح کھڑے ہوں کہ قبلے کی طرف پیٹھ اور قبر والوں کے چہروں کی طرف منہ ہو اس کے بعد کہے: اَلسَّلامُ عَلَیْکُمْ یَا اَھْلَ الْقُبُوْرِ یَغْفِرُ  اللہُ لَنَا وَلَکُمْ اَنْتُمْ لَـنَا سَلَفٌ وَّنَحنُ بِالْاَثَر یعنی اےقَبْر والو !  تم پر سلام ہو ،  اللہ پاک ہماری اور تمہاری مغفرت فرمائے ،  تم ہم سے پہلے آگئے اور ہم تمہارے بعد آنے والے ہیں ۔    ( فتاویٰ ہندیۃ ،  ۵ /۳۵۰ ) *قَبْر کے اوپر اگربتّی نہ جلائی جائے اس میں بے ادبی اور بدفالی ہے ( اور اس سے میِّت کو تکلیف ہوتی ہے ) ہاں اگر ( حاضِرین کو ) خوشبو  ( پہنچانے ) کے لیے ( لگانا چاہیں تو ) قَبْر کے پاس خالی جگہ ہو وہاں لگائیں کہ خوشبو پہنچانا مَحبوب ( یعنی پسندیدہ ) ہے ۔  ( فتاویٰ رضویہ ، ۹/۴۸۲ ،  ۵۲۵ملخصاً )  *قَبْرپر چَراغ یا موم بتّی وغیرہ نہ رکھے کہ یہ آگ ہے ،  اور قَبْر پر آگ رکھنے سےمیِّت کو اَذِیَّت ( یعنی تکلیف )  ہوتی ہے ،  ہاں !  رات میں راہ چلنے والوں کے لیے روشنی مقصود ہو ،  تو قَبْر کی ایک جانب خالی زمین پر موم بتّی یاچَراغ رکھ سکتے ہیں ۔

صَلُّوْا عَلَی الْحَبِیْب !                                                  صَلَّی اللہُ عَلٰی مُحَمَّد

*پھلوں اور رزق میں برکت کی دُعا

دعوتِ اسلامی کے ہفتہ وار سُنّتوں بھرے اجتماع کے شیڈول کےمطابِق” پھلوں اور رزق میں برکت کی  دعا“ یاد کروائی جائےگی ۔ وہ دُعایہ ہے:

اَللّٰھُمَّ بَارِکْ لَنَا فِیْ ثِمَارِنَا وَ بَارِکْ لَنَا فِیْ مَدِیْنَتِنَا وَ بَارِکْ لَنَا فِیْ صَاعِنَا وَ مُدِّنَا

ترجمہ :یا اللہ !  ہمارے پھلوں میں برکت عطا فرما ،  ہمارے شہر کو ہمارے لئے با برکت بنا ،  ہمارے