کہ صبح اٹھنے کے بعد سے لے کر رات سونے تک سارے کاموں کے اوقات مقرَّر ( Fix )  ہوں مَثَلا ًاتنے بجے تہجد ، علمی مشاغل  ،  مسجد میں تکبیرِ اُولیٰ کے ساتھ باجماعت نماز فجر  ( اسی طرح دیگر نمازیں بھی  )  اشراق  ،  چاشت  ، ناشتہ  ،   کسبِ معاش  ،  دوپہر کا کھانا  ( Lunch )  ،  گھریلو معاملات  ( Domestic Affairs )  ،  شام کے مشاغِل  ،  اچھی صحبت  ،   (  اگر یہ مُیَسَّر نہ ہو توتنہائی بدر جہابہتر ہے  )   ، اسلامی بھائیوں سے دینی ضروریات  ( Religious Needs ) کے تحت ملاقات  وغیرہ کے اوقات متعین کر لئے جائیں جو اس کے عادی نہیں ہیں ان کے لئے ہو سکتا ہے شروع میں کچھ دشواری  ( Difficulty ) پیش آئے  ۔  پھر جب عادت پڑجائے گی تو اس کی برکتیں ( Benefits )  بھی خود ہی ظاہر ہوجائیں گی ۔   اِنْ شَآءَ اللہُ الْکَرِیْم !  ^{( [1] )}    

صَلُّوا عَلَی الْحَبیب !                                                صَلَّی اللّٰہُ عَلٰی مُحَمَّد

پیارے اسلامی بھائیو !  ہر ایک کی مَصْرُوفیات علیحدہ علیحدہ ہوتی ہیں ،  اس لئے ہر ایک کو چاہئے کہ اپنے حالات ( Situations )  ،  مَصْرُوفیات وغیرہ کے مُطَابق اپنا شیڈول بنائے ،  البتہ !  ہم اپنی دُنیوی مَصْرُوفیات کے ساتھ ساتھ زیادہ سے زیادہ آخرت کی تیاری کیسے کر سکتے ہیں؟اس تعلق سے چند مدنی پھول ( Madani Pearls )  پیشِ خِدْمت ہیں:

 ( 1 ) :نمازِ باجماعت کا اہتمام کیجئے !

پہلا مدنی پھول یہ کہ پانچوں نمازیں مسجد میں باجماعت ادا کرنے کا مَعْمُول  ( Routine )   بنائیے !  نماز اَوَّلِیْن فرض ہے ،  اعلیٰ حضرت امامِ اہلسنت ،  شاہ امام احمد رضا خان