منع نه ده فرمائيلې بلکه په قرآنِ کريم کښې ځائے په ځائے الله پاک د نورو نه د مدد غوښتلو اجازت ورکړے دے. هسې هم د غوثِ پاک يا د بل يو بزرګ مدد کول د غير الله مدد هډو دے نه، دا هم د الله پاک مدد دے، غوثِ پاک هم مدد فرمائي نو په خپل طاقت سره نه بلکه د الله پاک په عطا سره مدد فرمائي. اوګورئ! د غزوۀ بدر په موقع باندې الله پاک فرښتې د مدد د پاره رااوليږلې. الله پاک فرمائي:

اِذۡ یُوۡحِیۡ رَبُّکَ اِلَی الۡمَلٰٓئِکَۃِ اَنِّیۡ مَعَکُمۡ فَثَبِّتُوا الَّذِیۡنَ اٰمَنُوۡا ؕ

(پارہ:9 ، سورۂ انفال:12)

مفهوم ترجَمۀ کنزُ الايمان: ياد کړه اے حبيبه! کله چې اے محبوبه ستا رَبّ فرښتو ته وحي ليږله چې زه ستاسو سره يم تاسو مسلمانان ثابت [قدم] اوساتئ.

دلته اوګورئ! فرښتې هم غيرُ الله دي، الله پاک پخپله فرښتو ته اوفرمائيل: اے فرښتو! ايمان والا ثابت قدم اوساتئ! زه ستاسو سره يم.

غور اوکړئ! الله پاک فرښتې رااوليږلې، که چرې الله پاک غوښتلے نو د فرښتو نه بغير به ئې هم مدد کړے وے، که الله پاک غوښتلے وے نو کافِران به په خپلو کورونو کښې اُلټا شوي وو، د بدر ميدان ته به هډو راتللے نه شو خو الله پاک فرښتے رااوليږلې، ولې؟ ځکه چې هغه الله دے، هغه رَبّ دے، هغه قُدرتونو والا دے، هغه چې څه اوغواړي کوي ئې، څوک د هغه نه د پوښتنې کولو همَّت نشي کولے.

بيا غور اوکړئ! په غزوۀ بدر کښې د مدد کولو د پاره څوک راغلل؟ فرښتے راغلې خو الله پاک فرمائي:

وَ لَقَدۡ نَصَرَکُمُ اللّٰہُ بِبَدۡرٍ

(پارہ:4 ، سورۂ آل عمرٰن:123)

مفهوم ترجَمۀ کنزُ الايمان: او بے شکه الله په بدر کښې ستاسو مدد اوکړو.