د مدد د پاره څوک راغلل؟ فرښتے. الله پاک څه فرمائي؟ الله مدد اوکړو. معلومه شوه: چې الله پاک ته نزدې بندګان، د الله پاک په عطا سره، د الله پاک په ورکړے شوي طاقت سره مدد کوي نو دا مدد د غيرُ الله مدد نه دے بلکه دا هم د الله پاک مدد دے کوم چې د خپلو بندګانو په ذريعه باندې کوي.

د بنده ګانو نه د مدد [غوښتلو] ترغيب

په حديثِ پاک کښې د بندګانو نه د مدد غوښتلو باقاعده ترغيب موجود دے، د مصطفٰے صَلَّى اللهُ عَلَيْهِ وَاٰلِهٖ وَسَلَّم 3 فرامين واورئ! (1) زما د رحم دل اُمتينانو نه حاجتونه غواړئ رزق به بيامومئ.^[1] (2) خير او خپل حاجتونه د ښه مخونو والؤ نه غواړئ.^[2]

(3) حاجَت رَوا نبي، رسولِ هاشمي صَلَّى اللهُ عَلَيْهِ وَاٰلِهٖ وَسَلَّم اوفرمائيل: کله چې په تاسو کښې د چا نه څه څيز ورک شي يا لاره هيره شي او مدد پکار وي او په داسې ځائے کښې ئې چرته چې څوک مددګار نه وي نو هغه له پکار دي چې داسې غږ اوکړي! یَا عِبَادَ اللہِ اَغِیْثُوْنِیْ، یَا عِبَادَ اللہِ اَغِیْثُوْنِی اے د الله (پاک) بندګانو! زما مدد اوکړئ! اے د الله (پاک) بندګانو! زما مدد اوکړئ! چې د الله (پاک) څه بندګان داسې دي کوم چې دے نه ويني.^[3]  

عظيم مُحَدِّث، شارح د صحيح مسلم، علّامه نَوَوِي رَحْمَةُ اللهِ عَلَيْه فرمائي: پخپله زما د دې حديث تجربه شوې ده، مونږه يو څو کَسان يو ځل د يو ځائے په سفر [روان] وو، زمونږه ځناور زمونږه نه خلاص شو او اوتښيدو، مونږه د هغه د رانيولو ډير کوشش اوکړو خو ناکامه شو، په هغه وخت ما داسې غږ اوکړو: اَعِیْنُو  نِی عِبَادَ اللہ! اے د الله پاک بندګانو! زما