Book Name:Karamat e Auliya Ke Saboot
د يو څو منټو د پاره که اوسپنه د اور په بهټئ کښې کيښودے شي نو اور هغه اوسپنے ته خپله ګرمي او خپل رنګ ورکوي، اوسپنه د اور په شان سرۀ او ګرمه شي، بيا اګرچه اوسپنه هم هاغه ده خو د دې کار بدل شو، مخکښې دا يخه وه، سيزل ئې نه کول، اوس هغه هم ګرمه شوه، دا به هم سيزل کوي. نور غور اوکړئ! بيا اوسپنه اګرچه کار هم هاغه کوي، کوم چې اور کوي خو يو عقل مند به هم دا نه وائي چې اوسپنه اور جوړ شوے دے يا اور اوسپنه جوړه شوې ده. دا صرف د پوهه کولو د پاره يو مثال دے، د دې نه د اوليائے کرامو رَحْمَةُ اللهِ عَلَيْهِم په شان باندې ځان پوهه کړئ چې اوليائے کرام رَحْمَةُ اللهِ عَلَيْهِم کله د الله پاک کامله فرمانبرداري کوي، خپل ځان د الله پاک په رضا کښې پناه کوي، شپه او ورځ د الله پاک په محبت کښې تيروي بيا الله پاک په خپل فضل او کرم باندې خپل دې بندګانو ته د خپل قدرت او طاقت داسې جلوه عطا کوي چې د دې بندګانو د قدرت او طاقت ليدلو سره د الله پاک قدرت را ياديږي خو په دې ځائے کښې هم بنده بنده دے او الله الله دے.[1]
هم دا خبره يو فارسي شاعر کړې ده:
خاصانِ خُدا خُدا نباشُد لیکن ز خُدا جُدا نباشُد
يعنې الله والا خدايان نه وي خو ياد ساتئ! چې دوئي د خدائے نه جدا هم نه وي.
د الله پاک په عطا کښې هيڅ منع نشته
حضرت علّامه عبد المُصطفٰے اعظمي رَحْمَةُ اللهِ عَلَيْه نور فرمائي: (د دې نه په يوه بله خبره باندې هم ځان پوهه کړئ!) چې په اور کښې دا قدرت دے چې په يو څو منټو کښې اوسپنے له خپله ګرمي او رنګ ورکولے شي نو آيا رَبِّ کائنات خپل محبوب بندګان د خپل