جاتا ہے ، جس کے سبب اُس کا دِل سخت ہوجاتا ہےاور گُنَاہوں کا میل چڑھ جاتا ہے۔

اس لئے جو دِل کی اِصْلاح چاہتا ہے ، اسے چاہئے اپنی اُمِّیدیں کم کرے اور موت کو ہر وقت اپنے پیشِ نظر رکھے۔

ہر قَدم  پرموت کا تَصَوُّر

ایک روز سرورِ عالَم ، نورِ  مُجَسَّم صَلَّی اللہ عَلَیْہ وَآلِہٖ وَسَلَّم  حضرت اُسَامہ رَضِیَ اللہ عنہ   کو ایک مہینے کے اُدھار پر سودا خریدتے دیکھا تو فرمایا : کیا تم اُسامہ پر تعجب نہیں کرتے کہ ایک ماہ کے لئے خریداری کر رہے ہیں ، اللہ کی قسم ! جب میں زمین پر قدم رکھتا ہوں تو گمان کرتا ہوں کہ قدم اُٹھانے سے پہلے موت آجائے گی ، جب بھی لقمہ منہ میں ڈالتا ہوں تو گمان ہوتا ہے کہ اسے نگلنے سے پہلے موت آجائے گی۔ ^{( [1] )}  

  ( 2 ) : حَسَد

دِل کی سیاہی کا دُوسرابڑا سبب حَسَد ہے۔ اپنے مسلمان بھائی سے نعمت چِھن جانے کی تمنّا کرنے کو حَسَد کہتے ہیں۔ یہ بہت بُری باطنی بیماری ہے ، اللہ پاک نے قرآنِ  کریم  میں حَسَد کرنے والے سے پناہ مانگنے کا حکم دیا ، ارشاد ہوتا ہے :  

وَ مِنْ شَرِّ حَاسِدٍ اِذَا حَسَدَ۠(۵)   ( پارہ : 30 ، سورۂ فلق : 5 )

ترجَمہ کنزُ الایمان : اور حسد والے کے شر سے جب وہ مجھ سے جلے ۔

اللہ ُاکبر ! پیارے اسلامی بھائیو !  اندازہ کیجئے ! حَسَد کتنا بڑا فتنہ اور کتنا بڑا شَر ہے کہ رَبِّ