الله پاک د نيکانو خلقو دا صِفت بيان کړے دے:

وَ  بِالۡاَسۡحَارِ ھُمۡ  یَسۡتَغۡفِرُوۡنَ (۱۸)  (پارہ:26، سورۂ ذاریات:18)

ترجَمۀ کنزُ العرفان: او د شپې په آخري حصو کښې به ئې بخښنه غوښتله۔

 * د سحر د اذان جواب ورکوئ! * بهتره دا ده چې د سحر سُنَّت په کور کښې ادا کړئ، ګنې بيا جُمات ته تشريف يوسئ! * جُمات ته د تللو په وخت د ثواب په نيت سره مسلمانان ورونړه د لمونځ د پاره راپاڅوئ * د سحر لمونځ د جَمعې سره ادا کوئ * که الله پاک توفيق درکړي نو د تفسير اوريدو او اورولو په حلقه کښې شرکت کوئ * بيا اَوراد او وظيفې اولولئ * د خپل پير صاحِب درکړے شوې شجره شريف اولولئ، تلاوت کوئ، ديني کتاب (مثلاً فيضانِ سُنَّت، فيضانِ نماز، غيبت کی تباه کارياں وغیرہ) اولولئ، غرض: د اشراق او ساخت د وخت پورې په ذِکر او فِکر او نيک کارونو کښې مصروفه اوسئ * تر دې پورې چې د اشراق د لمونځ وخت شي نو د اِشراق، ساخت نفلونه اوکړئ او کور ته لار شئ۔ اِنْ شَآءَ اللہ الْکَرِیم! د ورځ په اولني وخت کښې به د نيکو ډيرے جوړ شي۔

اشراق او ساخت

(1): سرورِ کائنات، فخرِ موجودات صَلَّى اللهُ عَلَيْهِ وَاٰلِهٖ وَسَلَّم د اشراق د لمونځ فضيلت بيانوي او فرمائي: څوک چې د سحر لمونځ د جَمعې سره ادا کړي او د الله ذِکر کوي تر دې پورې چې لمر پوره راوخيژي بيا 2 رکعته اوکړي نو هغه ته به د پوره حج او عمرې ثواب ميلاويږي۔ ^([1]) (2): د ابو داؤد شريف په روايت کښې دي: څوک چې د سحر د لمونځ نه د فارغيدو نه پس په خپله مُصلّه (يعني چرته چې ئې لمونځ کړے وي هلته) کښيني تر دې پورې چې د اشراق نفلونه اوکړي صِرف د خير خبرې کوي نو د هغه ګناهونه به بخښلے شي که هغه د سمندر د ځګ نه زيات ولې نه وي۔ ^([2]) (3) په يو حديث شريف کښې ئې اوفرمائيل: چا چې د ساخت 12 رکعتونه ادا کړل، الله پاک به د هغه د پاره په جَنَّت کښې د سرو زرو محل جوړوي۔ ^([3])

         کفنونه پټوونکے څنګه اوبخښلے شو؟

يوه ورځ خواجه غريب نواز رَحْمَةُ اللهِ عَلَيْه د درس ورکولو په وخت اوفرمائيل: د الله پاک سره د محبت کولو والا طريقه دا ده چې د سحر لمونځ ادا کړي او د لمر راختو پورې په جائے نماز ناست وي، د هغوئي مقصد دا وي چې د الله پاک په