وخت راغلے نو هغوئي رَحْمَةُ اللهِ عَلَيْه په ژړا شول، بيا ئې اوفرمائيل: ماته پته ده چې په ما باندې د آفتونو نه ډکه ورځ راتلونکې ده، آه! هغه ورځ به ډيره د غم والا وي، بے شکه هغه رښتونے خدائے دے، چا چې د خپل مخلوق د پاره د مرګ فيصله اوفرمائيله، بيا هغوئي رَحْمَةُ اللهِ عَلَيْه د 29 سيپارې د سورۀ مُلک دا آيت شريف تلاوت اوفرمائيلو:

الَّذِیۡ  خَلَقَ الۡمَوۡتَ وَ الۡحَیٰوۃَ لِیَبۡلُوَکُمۡ  اَیُّکُمۡ  اَحۡسَنُ عَمَلًا ؕ      (پارہ:29، سورۂ ملک:2)

ترجَمۀ کنزُ العرفان: هغه کوم چې مرګ او ژوند پيدا کړو د پاره د دې چې په تاسو ازميښت اوکړي چې په تاسو کښې څوک زيات ښه عملونو کولو والا دے۔

د دې لوستلو نه پس هغوئي رَحْمَةُ اللهِ عَلَيْه يوه آخري ساه واخسته او د دنيا نه رخصت شو۔ ^([1])

هوښيار څوک۔۔۔؟

د الله پاک آخري نبي، رسولِ هاشمي صَلَّى اللهُ عَلَيْهِ وَاٰلِهٖ وَسَلَّم اوفرمائيل: اَلْکَیِّسُ مَنْ دَانَ نَفْسَہٗ وَ عَمِلَ لِمَا بَعْدَ الْمَوْتِ يعني هوښيار هغه دے څوک چې خپل احتساب اوکړي (يعني د خپلو عملونو جاج واخلي) او د مرګ نه پس (والا ژوند) د پاره عَمَل اوکړي۔ ^([2])

  د ورځو او شپو جَدوَل څنګه جوړ کړے شي۔۔۔؟

خوږو او محترمو اسلامي ورونړو! دا يو حقيقت دے، چې زمونږه يوه يوه ساه قيمتي ده، يوه يوه لحظه نايابه ده، هوښيار هغه دے څوک چې خپلې ورځې او شپې ډيرې په احتياط سره، په سوچ او فِکر سره په نيکو کولو کښې تيرې کړي۔ الله پاک دې زمونږه د آخِرت فِکر نصيب کړي۔ مونږ له پکار دي چې مونږه د خپلو ورځو او شپو جَدوَل جوړ کړو، په کوم کښې چې د دنيا جائز او ضروري کارونه هم وي او د دې سره سره د ورځې او شپې يوه ډيره غټه حِصه د آخرت د پاره، د نيک کارونو د پاره هم اوساتو۔ شيخِ طريقت، اميرِ اهلِسُنَّت حضرت علّامه مولانا ابو بلال محمد الياس عطّار قادري رضوي دَامَتْ بَرَکَاتُہُمُ الْعَالِیَه فرمائي: کوشش کوئ چې سحر د راپاڅيدو نه واخله تر د اوده کيدو پورې د ټولو کارونو وختونه ټاکلے شوي وي مثلاً په دومره بجو به تهجد، علمي مشغلې، په جُمات کښې د تکبيرِ اُولیٰ سره د جَمعې سره د سحر لمونځ (دغه شان نور لمونځونه هم) اشراق، ساخت، د سحر چائے، د ګټې وَټې،