نه روانيږو، د هغه وخت نه تر کور يا دُکان ته د واپس راتلو پورې به کم او زيات د 15 نه تر 20 منټه يا نيمه ګهنټه لګي۔ دا چې کوم د 15 نه 20 منټه دي، دا د پوره منصوبه بندئ سره تيرول پکار دي۔ دلته څه کيږي؟ جُمات ته چې کله د اودس کولو ځائے ته اورسي نو موبائل په جيب کښې واچوي، زر زر اودس اوکړي، د اودس اوبه د جُمات په فرش باندې څڅوي او بيا ئې چې څنګه لمونځ اوکړو، د جُمات نه چې اووځي نو بيا موبائل په لاس کښې۔۔۔!! په قلاره قلاره، لاسونه خوزوي، په مختلفو سوچونو کښې ډوب وي يا که څوک دوست ورسره وي نو د هغه سره خبرې کوي او واپس راشي۔

داسې مه کوئ۔ لمونځ د پوره ترتيب سره ادا کوئ۔ دا د 15 نه 20 منټه يا نيمه ګهنټه مونږه د لمونځ د پاره اوباسو، دا هم زمونږه د ژوند حِصه ده بلکه که اوکتلے شي نو دا د ژوند د ټولو نه قيمتي حصه ده چې په دغه وخت مونږه د خپل الله پاک په حُضور کښې حاضريږو، ځکه دا وخت د پوره فِکر کولو سره تيرول پکار دي۔ څنګه تيرول دي؟

لمونځ په ترتيب سره د ادا کولو طريقه

 * کله چې د کور يا دُکان نه روان شئ، هغه وخت ښه ښه نيتونه اوکړئ! مثلاً په لاره کښې به ذِکر او دُرُود لولم او ځم به، مسلمانانو ته به سلام کووم، نظر به ښکته ساتم، د ګرځيدو د سُنَّتو خيال به ساتم او ځم به وغيره * اوس په دې دريو واړو باندې عمل کوئ او جُمات ته ځئ! * که اودس مو په کور کښې کړے وي نو بهتر دے، ګنې اوس په جُمات کښې اودس اوکړئ! * د اودس د آدابو خيال اوساتئ! د اودس کولو 14سُنَّت دي، په دې 14 سُنَّتو باندې لازمي عمل اوکړئ! * چې د اودس د اوبو څاڅکي د جُمات په فرش نه غورځيږي، دې د پاره د اوداسه په ځائے کښې اندامونه صفا کړئ! آؤ! لږ شان لوند والے پريږدئ ځکه چې دا لوند والے به د قيامت په ورځ په تَله کښې کيښودے شي * اوس جُمات ته اورسيدئ، که چرې وخت وي نو د تحية المسجد او تحية الوُضُو نفلونه ادا کړئ! (خو ياد ساتئ! چې دا نفلونه د سحر او د ماښام د اذان نه پس نشئ ادا کولے) * يا که اوغواړئ نو د سُنتِ قبليه (يعني د فرضو نه مخکښې والا سُنَّتو) کښې د تحية المسجد او تحية الوُضُو نيت اوکړئ! * اوس د جَمعې په انتظار کښې کښيناستل دي، يقين اوکړئ! د لمونځ په انتظار کښې کښيناستل هم د فائدې نه خالي نه دي۔

د قيامت په ورځ پړقيدونکي، روښانه مخونه

کله چې به د قيامت ورځ وي نو د قبرونو نه به يوه داسې ډله راپاڅي د کومو مخونه چې به د پړقيدونکي ستوري په شان وي، فرښتې به هغوئي ته اووائي چې ستاسو عملونه څه وو؟ هغوئي به جواب ورکوي چې کله به مونږ اذان