بخښنه اوغواړي هغوئي له به هيڅکله هم زه عذاب ورنکړم۔ اے موسیٰ! د ماښام 3 رکعته دي، دا چې به احمد (صَلَّى اللهُ عَلَيْهِ وَاٰلِهٖ وَسَلَّم) او د هغوئي اُمت ادا کوي (نو) د آسمان ټولې دروازې به د هغوئي د پاره برسيره کړم، د کوم حاجت سوال چې کوي هغه به پوره کړم۔ اے موسیٰ! د ماسخوتن 4 رکعتونه دي، دا چې به احمد (صَلَّى اللهُ عَلَيْهِ وَاٰلِهٖ وَسَلَّم) او د هغوئي اُمت ادا کوي نو د هغوئي د پاره د دنيا او د هر څه نه بهتر دي، هغوئي به دا د ګناهونو نه داسې اوباسي، لکه څنګه چې د مور د ګيډو نه زيږيدلي وي۔ اے موسیٰ! کله چې احمد (صَلَّى اللهُ عَلَيْهِ وَاٰلِهٖ وَسَلَّم) او د هغوئي اُمت اودس کوي نو د هر څاڅکي په بدله به ورته داسې جنت ورکووم کوم چې به د زمکې او آسمان همره پلَن وي۔ ^([1])

د جَمعې سره فرض لمونځ په يو نظر کښې

 * فرض لمونځ د جَمعې سره په ادا کولو کښې د الله پاک او د رسولِ کريم صَلَّى اللهُ عَلَيْهِ وَاٰلِهٖ وَسَلَّم په حکم باندې عمل دے * د ايمان والا کيدو ګواهي ده * الله پاک د جَمعې سره لمونځ کوونکي خوښوي * د جَمعې سره لمونځ د ځانله لمونځ کولو نه 27 درجې افضل دے * الله پاک او د هغه فرښتې د جَمعې سره په لمونځ کوونکو باندې دُرُود ليږي * د جَمعې سره د ماسخوتن لمونځ ادا کول لکه د نيمې شپې قيام (يعني عبادت) کول دي * د سحر لمونځ د جَمعې سره ادا کول لکه ټوله شپه قيام (يعني عبادت) کول دي * د جَمعې سره لمونځ کوونکے به په پُلِ صراط د ټولو نه مخکښې د بجلئ په شان تيريږي * د جَمعې سره د لمونځ ادا کوونکو شان او شوکت چې اوويني نو د محشر والا به رشک کوي * د هغوئي ګناهونه به بخښلے شي * جُمات ته راتلونکي ته به د هر قدم په بدله ثواب ميلاويږي * په هر قدم باندې به ئې يوه درجه اوچتيږي او * يوه ګناه به ورله ورانولے شي * الله کريم به د ده د پاره سحر او ماښام په جنت کښې د ميلمستيا ترتيب کوي * د لمونځ د پاره اوچتيدونکے هر قدم صدقه ده * تر څو پورې چې بنده د لمونځ انتظار کوي، په خير باندې به وي، د الله پاک په حفاظت کښې به وي او د شيطان نه به محفوظ وي * د قيامت په ورځ به ئې د عرش سورے نصيب کيږي * د دوزخ، منافقت او غفلت نه به ئې خلاصے نصيب کيږي * په خپل مينځ کښې به ئې محبت زياتيږي * د جَمعې سره د لمونځ تکبيرِ اُولیٰ موندل د 100 اوښو نه بهتر دے۔ ^([2])

    (2): د لمونځونو وختونه په ترتيب سره تيروئ!

ورځې شپې څنګه تيرول دي؟ په دې تعلق سره دويم مدني ګل: دا دے چې په لمونځ ادا کولو کښې څومره وخت تيريږي، دا وخت د پوره ترتيب سره، په پوره منصوبه بندئ سره تير کړئ! مونږ چې کله د لمونځ د پاره د کور يا دُکان