واوريدو نو د اودس د پاره به اودريدلو او په بَل يو کار کښې به نه مشغوليدو۔ بيا به يوه داسې ډَله راشي د کومو مخونه چې به د سپوږمئ په شان ځليږي، هغوئي به د فرښتو د پوښتنې نه پس وائي چې مونږه به د وخت نه مخکښې اودس کولو، بيا به يوه داسې ډله راشي د کومو مخونه چې به د لمر په شان ځليږي او هغوئي به وائي چې مونږه به اذان په جُمات کښې اوريدلو (يعني د اذان نه مخکښې به جُمات ته رسيدلو)۔ ^([1])

اے عاشقانِ رَسُول! کوشش کوئ! دومره زر راشئ چې د جَمعې د وخت نه يو دوه منټه مخکښې د سُنَّتو وغيره نه فارغ شئ، په دغه يو دوه منټه کښې سترګې پټې کړئ او لږ وخت غور او فِکر اوکړئ! * په اَصل کښې مونږه په مختلفو کارونو کښې مصروفه شو، دغه شان راپاڅيدو او د لمونځ د پاره روان شو، په لاره کښې خبرې کوو، مختلفو څيزونو ته ګورو او جُمات ته لاړ شو، دا هر څه زمونږه په ذِهِن کښې وي، مونږ چې څنګه راشو نو لمونځ شروع کړو نو دا هر څه زمونږ په ذِهِن کښې روان وي، دا سوچونه د دِماغو نه لرې کول پکار دي، ځکه يو دوه منټه کښينئ او سترګې پټې کړئ او د قبر او آخرت، د حشر، د پل صراط، د ميزان وغيره تصور اوکړئ! * اوس د جَمعې وخت شو، د جَمعې سره د لمونځ کولو سعادت حاصل کړئ۔ د لمونځ نه چې فارغ شئ نو فوراً مه پاڅئ او ځئ، بلکه د څه وخته پورې په جُمات کښې کښينئ۔

د هر لمونځ نه پس 4 کارونه کوئ!

امام غزالي رَحْمَةُ اللهِ عَلَيْه فرمائي: د هر لمونځ نه پس 4 کارونه کول پکار دي: (1): تلاوت کوئ (2): ذِکر اَذکار کوئ (3): غور او فِکر کوئ (4): دُعا کوئ۔ ^([2])

 په ذِهِن کښې به راځي چې په دې څلورو کارونو کولو خو به ډير وخت لګي۔ آؤ جي! که چرې ستاسو سره وخت شته نو وخت اولګوئ او که چرې وخت کم دے نو بيا هم ګرانه نه ده، دا څلور کارونه په 5 منټه کښې هم کيدے شي، مثلاً صرف د 3 آيتونو تلاوت کوئ، دغه شان به په تلاوت کولو کيدے شي چې يو منټ اولګي، وړه شان وظيفه اولولئ، تسبيح فاظمه [يعني 33 ځل سُـبْحٰـنَ الـلّٰــه ، 33 ځل اَلْـحَمْـدُ لـِلّٰـه، او 34 ځل اللہ اَکْبَر] اولولئ يا ستاسو د پير صاحب د طرف نه چې کوم اَوراد او وظيفې درکړے شوي دي، د يو نه تر يو نيم منټه پورې هغه اولولئ، بيا صِرف د يو منټ د پاره سترګې پټې کړئ او د قبر او آخرت، مرګ، د قيامت په ورځ د راپاڅيدو، د الله پاک په دربار