ورځې 3 دي

حضرت سفيان بن عُيَينَه رَحْمَةُ اللهِ عَلَيْه فرمائي: ورځې 3 دي: (1): يوه هغه ورځ کومه چې تيره شوه، هغه تاسو ته حکمت او اَدَب ښودلو والا ده، (هغه ورځ تيره شوه، اوس) په دې کښې ستاسو د پاره صِرف نصيحت او عبرت پاتې دے (2): دويمه ننئ ورځ ده، دا ستاسو سره ميلمنه ده، زر به رخُصت شي، بيا به چرې هم واپس نه راګرځي (3): دريمه ورځ راتلونکې ورځ ده، تاسو ته پته نشته چې سبا به څوک ويني۔ ^([1])

هره ورځ دا غږ کوي۔۔۔!!

امام ابنِ ابي الدُّنيا رَحْمَةُ اللهِ عَلَيْه ليکي: هره ورځ دا غږ کوي: (اے خلقو!) زه نوې ورځ يم او زه په تاسو باندې ګواه يم، اے د آدم اولاده! زه به بيرته نه راګرځم۔ ځکه نن نيک عملونه اوکړئ۔۔۔!! دغه شان هره نوې شپه دا وائي: اے د آدم اولاده! نن شپه نيک عملونه اوکړئ! زه به بيرته چرې هم واپس نه راګرځم۔ ^([2])

ورځې او شپې خزانې دي

ولِيِ کامِل حضرت مالِک بن دينار رَحْمَةُ اللهِ عَلَيْه فرمائي: بے شکه دا ورځې او شپې 2 خزانې دي، بس غور اوکړئ چې دا خزانې کوم ځائے لګوئ؟ ^([3])

ورځې او شپې 2 ميلمانه دي

امام حسن بصري رَحْمَةُ اللهِ عَلَيْه فرمائي: اے د آدم اولاده! دا ورځې او شپې ستاسو سره ميلمنې دي، ډيرې زر به دا ستاسو د ستائينې کولو يا تاسو ته د ردو بدو وئيلو سره رُخصت شي۔ ^([4])

آه! زما د ژوند يوه ورځ کمه شوه

د حضرت مُفَضَّل بن يُونُس رَحْمَةُ اللهِ عَلَيْه دا معمول مبارک وو: چې کله به شپه شوه نو فرمائيل به ئې: آه! زما د ژوند يوه ورځ کمه شوه۔ چې کله به سحر شو نو فرمائيل به ئې: آه! زما د ژوند يوه شپه کمه شوه۔ کله چې د هغوئي آخِري