وړوکے، د غټ نه هر غټ عمل به په عمل نامه کښې درج وي، مجرمان به غږ کوي:

یٰلَیْتَنِیْ لَمْ اُوْتَ كِتٰبِیَهْۚ(۲۵) وَ لَمْ اَدْرِ مَا حِسَابِیَهْۚ(۲۶) یٰلَیْتَهَا كَانَتِ الْقَاضِیَةَۚ(۲۷) مَاۤ اَغْنٰى عَنِّیْ مَالِیَهْۚ(۲۸) هَلَكَ عَنِّیْ سُلْطٰنِیَهْۚ(۲۹) (پارہ:29،سورۂ حاقّۃ:25 تا 29)

ترجمۀ کنزُ الايمان: هئ چې په څه طريقه ماته خپله عمل نامه نه راکړے کيدے او ماته پته نه لګيدے چې زما څه حساب دے، هئ چې په څه طريقه مرګ قصه ختمه کړې وه زما هيڅ پکار رانغلے زما مال زما ټول زور تللو۔

د قيامت په ورځ به څه جواب ورکوو؟

اے عاشقانِ رَسُول! غور اوکړئ! په هغه ورځ به مونږه څنګه حساب ورکولے شي۔۔۔؟ خو افسوس! مونږ نه ويريږو، سستي کوو، په غفلت کښې اوسو، د مال او دولت حِرص، د دنيا د عهدو طلب او د نفس او شيطان په لمسون کښې د راتلو سره آخرت هيروو او په ګناهونو کښې پريوځو بلکه په ګناهونو فخر کوو، د توبې نه تختو، د خلقو نه که شرميږو هم خو د ربِّ رحمان نه حيا نه کوو، د شپې په تياره کښې، په بنده کمره کښې په پټه ګناهونه کوو، خو ياد ساتئ! د قيامت په ورځ به زمونږ يو عمل هم نه شي پټيدے، د هر وړوکي نه وړوکے، د غټو نه غټ عمل به زمونږ مخې ته کړے شي۔ الله پاک فرمائي:

فَمَنْ یَّعْمَلْ مِثْقَالَ ذَرَّةٍ خَیْرًا یَّرَهٗؕ(۷) وَ مَنْ یَّعْمَلْ مِثْقَالَ ذَرَّةٍ شَرًّا یَّرَهٗ۠(۸)  (پارہ:30،سورۂ زلزال:7,-8)

ترجمۀ کنزُ الايمان: نو څوک چې د يوې ذرې برابر نيکي اوکړي هغه به ئې ويني او چې د ذرې برابر بدي اوکړې نو هغه به ويني۔