د هديرې د حاضرئ سُنَّت او آداب

د آخري نبي، رسولِ هاشمي صَلَّى اللهُ عَلَيْهِ وَاٰلِهٖ وَسَلَّم دوه فرامين: (1): د قبرونو زيارت کوئ ځکه چې دا په دنيا کښې د بے رغبتئ سبب او آخرت رايادوي۔ ^([1]) (2): څوک چې د خپل مور پلار دواړو او يا د يو د قبر د هرې جمعې په ورځ زيارت اوکړي، د هغه بخښنه به اوشي او نيکو والا به ليکلے شي۔ ^([2])

اے عاشقانِ رَسُول! * د مسلمانانو د قبرونو زيارت کول سُنّت او د اوليائے کرامو او شهدائے عظامو په مزارونو باندې حاضري سعادت بَر سعادت او هغوئي ته ايصالِ ثواب مندوب (يعني خوښ) او ثواب دے  * د مزار شريف يا د قبر د زيارت د پاره چې ځئ نو په لاره کښې فضول خبرې مه کوئ * قَبر ته د تعظيم سجده کول حرام کار دے او که چرې د عبادت په نيت سره وي نو کُفر دے * هديرې ته په هغه عامه لاره ځئ، چرته چې په تير وخت کښې چرته هم د مسلمانانو قبرونه نه وو، کومه لاره چې نوې جوړه وه په هغې مه ځئ۔ په فتاویٰ شامي کښې دي: (په هديره کښې چې د قبر ورانولو سره) کومه نوې لاره جوړه کړے شوه په هغې تلل حرام دي * بلکه د نوې لارې که صرف ګمان (يعني شک) وي نو بيا هم په هغې تلل نا جائزه او ګناه ده * په ډيرو د اوليائے کرامو په مزارونو ليدلے شوي دي چې د زيارت کوونکو د آسانئ د پاره د قبرونو ورانولو سره فرش جوړولے شي، په داسې فرش سملاستل، تلل، اودريدل، تلاوت کول او د ذِکر  و اَذکار د پاره کښيناستل وغيره حرام دي، چرته چې داسې حالات وي هلته د لرې نه فاتحه اولولئ * د