د بيان خلاصه

کاش! چې مونږ ته هم داسې توفيق ميلاؤ شي! چې مونږ هم په خپلو عملونو باندې غور او فِکر کوو، د قيامت د حساب نه مخکښې په دنيا کښې پخپله د خپلو عملونو حساب کوو، ګنې که چرې د قيامت په ورځ حساب واخستے شو نو يقين اوکړئ! ډيره ګرانه به شي، آه! دا زمکه، دا ورځ او دا شپه، زمونږه عملونه ليکونکې فرښتې، زمونږه عمل نامه، تر دې پورې چې زمونږه اندامونه به هم زمونږه خلاف ګواهان جوړ شي، په داسې حالت کښې به خلاصے څنګه بيامونځو۔۔۔؟ ځکه لازمي ده چې مونږه هم نن د الله پاک په دربار کښې د وړاندې کيدو نه ويريږو، خپله جائزه اخلو، د الله پاک نه بے حسابه د جنّت سوال کوو او بے حسابه جنّت ته بوتلونکي عملونه هم کوو۔ الله پاک دې مونږ ته د عمل کولو توفيق راعطا کړي۔ آمِين بِجَاه خَاتَمِ النَّبِيٖن صَلَّى اللّٰهُ عَلَيۡهِ واٰلِهٖ وَسَلَّم

د ذيلي حلقې په 12 ديني کارونو کښې يو ديني کار: نيک عملونه

اَلْحَمْدُ لِلّٰہِ! د اوسني وخت عظيم علمي او روحاني شخصيت شيخِ طريقت، اميرِ اهلِسُنَّت حضرت علّامه مولانا ابو بلال محمد الياس عطّار قادري رضوي دَامَتْ بَرَکَاتُهُمُ الْعَالِیَه د فنتو نه په دې ډک دور کښې مونږ له د نيک جوړيدو او د خپلو عملونو د جائزې اخستو ډيره آسانه طريقه عطا کړې ده او هغه دا ده: د نيک اعمال رساله۔ د اسلامي ورور د پاره 72 نيک عملونه او د اسلامي خوئيندو د پاره 63 نيک عملونه۔ په دې رساله کښې مختلف سوالونه ورکړے شوي دي، د هر سوال نه لاندې خالي خانه ده، هره ورځ د وخت