ایسی چیزحاصل نہ کروجوان کے لئے جائزنہیں اور ان میں جو  اللہ  پاک کاحق ہے اس کو نہ روکو ۔ اس نے عرض کی : پیٹ کا شکر کیا ہے ؟ آپ نے ارشاد فرمایا : پیٹ کاشکر یہ ہے کہ اس کے نچلے حصے میں کھاناہوجبکہ اُوپری حصہ علم سے لبریزہو۔  اس نے عرض کی :  شرمگاہ کا شکر کیا ہے ؟  فرمایا : جیساکہپارہ 18سُوْرَۃُ الْمُوْمِنُوْن کی آیت نمبر7,6,5میںاللہپاک کافرمانِ عالیشان ہے :  

وَ الَّذِیْنَ هُمْ لِفُرُوْجِهِمْ حٰفِظُوْنَۙ(۵) اِلَّا عَلٰۤى اَزْوَاجِهِمْ اَوْ مَا مَلَكَتْ اَیْمَانُهُمْ فَاِنَّهُمْ غَیْرُ مَلُوْمِیْنَۚ(۶) فَمَنِ ابْتَغٰى وَرَآءَ ذٰلِكَ فَاُولٰٓىٕكَ هُمُ الْعٰدُوْنَۚ(۷) (پ18،موْمنون،7,6,5)

ترجمہ ٔ کنز العرفان  : اوروہ جواپنی شرمگاہوں کی حفاظت کرنے والے ہیں مگراپنی بیویوں یاشرعی باندیوں پرجواُن کے ہاتھ کی مِلک ہیں  پس بیشک ان پرکوئی ملامت نہیں تو جواِن کے سوا کچھ اور چاہے تو وہی حدسے بڑھنے والے ہیں۔

اس نے کہا : پاؤں کا شکر کیا ہے ؟ آپ نے ارشاد فرمایا : اگرتم کسی ایسے زندہ کو دیکھو جس پر تمہیں رشک ہوتوان پاؤں سے اس شخص جیسے عمل کرو(یعنی نیک عمل کرو)اور اگر کسی ایسے مُردہ کودیکھو جس سے تم بیزار ہو تو اِن پاؤں کو اس شخص جیسے عمل سے روک لو(یعنی برائی کی طرف قدم نہ اٹھاؤ)۔  اس طرح تم  اللہ  پاک کاشکرادا کرنے والے بن جاؤگے ۔

اورجس نے صرف زبانی شکر کیا بقیہ اَعْضاء سے نہ کیاتواس کی مثال اس شخص جیسی ہے جس کے پاس ایک کپڑا ہو اور وہ اس کا ایک کنارہ پکڑلے لیکن پہنے نہیں تو وہ کپڑا اسے گرمی ، سردی ، برف اور بارش سے بچنے کافائدہ نہ دے گا۔  (حلیة الاولياء،۳/۲۷۹،رقم : ۳۹۶۳)

 پیارے پیارے اسلامی بھائیو ! جو اللہ   پاک کی رِضاپر راضی رہتا ہے اورہرحال میں اس کی نعمتوں کا شکر اَدا کرتا ہے تو اللہ  پاک اس کی نعمتوں میں مزید اِضافہ فرمادیتا ہے،لہٰذا ہمیں بھی چاہیے کہ ہم بھی ہر حال میں اپنے خالق ومالک  کا شکر اَدا کرتے رہیں۔  یاد رکھئے !اگر ہم  اللہ   پاک