Book Name:Nematon ka Shukar Ada Karnay ka Tariqa
اللہ پاک کی نعمتوں کا شکراداکرنےکی نیت سےنوافل ادا کیجئے کہ نعمت ملنے پر سجدۂ شکر ادا کرنا سرکار صَلَّی اللہ عَلَیْہِ واٰلِہٖ وَسَلَّمَ کی سُنَّت ہےجیساکہ حضرت ابوبکرہ رَضِیَ اللہ عَنْہ فرماتے ہیں : جب حضور نبیِ کریم،رء ُوف رحیم صَلَّی اللہ عَلَیْہِ واٰلِہٖ وَسَلَّمَ کوکوئی خوشی حاصل ہوتی تو آپ صَلَّی اللہ عَلَیْہِ واٰلِہٖ وَسَلَّمَ سجدۂ شکر ادا کرتے۔ (3)
اسی طرح نعمت کے شکر انے کا ایک بہترین طریقہ یہ بھی ہے کہ جس رَبِّ کریم نے ہمیں یہ نعمتیں عطا فرمائی ہیں اسی کے کلام (قرآنِ کریم)کی تلاوت کیجئے،بالخصوص سورۂ رحمٰن کی تلاوت وتفسیر پڑھئے کہ اس میںاللہ پاک نےجنت کی بے شُمار نعمتوں کوبیان فرمایا ہے ، اس طرح کرنے سے جنت کی ان نعمتوں کوپانےکاشوق پیداہوگااورنیک اعمال کی طرف رغبت بڑھتی جائے گی۔
نیزشکر کا ایک اَحسَن طَریقہ یہ بھی ہے کہ خوشی کے ان مواقع پردِینی مَحافِل اور نیک اجتماعات منعقد کیے جائیں اور ان میں نعمت کی قدر ومنزلت اوراس کی اہمیت کے بارے میں مدنی پھول بیان کیے جائیں۔
نعمت کے شکرانے کے طور پرزَہے نصیب ! اگر خدمتِ دین کےعظیم جذبے کے تحت عاشقانِ رسول کےساتھ مدنی قافلے میں سفرکی سَعادت مِل جائے تو اس طرح نعمت کاشکربھی اَدا ہوجائے گااورنیکی کی دعوت بھی عام ہوگی۔
صَلُّوْا عَلَی الْحَبِیْب! صَلَّی اللہ عَلٰی مُحَمَّد