مگر افسوس ہمارا حال یہ ہے کہ خوشیوں اور مال ودولت کی فراوانی پر  تو ہم اللہ   پاک کا شکرادا کرتے ہیں   لیکن اگر ذرا سی پریشانی ،بیماری یا تنگدستی آجائے توشکوہ شکایات پراُتر آتے ہیں حالانکہ انسان اگر اپنی ذات میں غور کرے تو اُس کو اپنے رَبّ کی دی ہوئی ہزاروں نعمتیں نظر آئیں گی کہ وہ ساری زندگی بھی اللہ  پاک کی نعمتوں کا  شکراَدا کرتا رہے تب بھی کم ہے   اور واقعی یہ بھی  ایک حقیقت ہے کہ اگر انسان کوساری کائنا ت کی دولت  دے دی جائے اورآنکھ،کان ، زبان ، ہاتھ اور پاؤں یہ نعمتیں نہ دی جائیں تب ان کی اَہَمیّت کا اندازہ ہوگا،اللہ  پاک کی ان نعمتوں کے شکر کی طرف ہماری  تَوَجُّہ تک نہیں  جاتی حالانکہ آنکھ کتنی بڑی نعمت ہے یہ کوئی اندھے سے پوچھے،زبان کتنی عظیم نعمت ہے یہ کو ئی گُونگے سے پوچھے،بہر حال  ہمارا پورا جسم خدا کی نعمتوں کا مرکز  ہےحتّٰی کہ ہمارے مُنہ میں تُھوک (Spit)بھی ایک بہت بڑی نعمت ہے جسے ہم گندگی سمجھتے ہیں اِس کی اہمیت  بندہ اُس سے پوچھے جس کے منہ میں تھوک (Spit) ضرورت سے کم ہو۔ جسمانی اعضاء(Parts of  body)  کا شکر صرف یہی نہیں کہ بندہ زبان سے کہہ دے کہ یااللہ !   تیراشکر ہے بلکہ ان کا شکر کس طرح ادا کیا جاتا ہے،آئیے ! اس ضمن میں ایک حکایت سنئے۔

اعضائے جسمانی کا شکرکیاہے : 

حضرت  محمد بن ہانی  رَحْمَۃُ اللّٰہ ِ عَلَیْہ اپنے کسی دوست کے حوالے سے بیان کرتے ہیں کہ ایک شخص نے حضرت  ابُو حازِم  رَحْمَۃُ اللّٰہ ِ عَلَیْہ سے عرض کی :  اے ابُو حازم ! آنکھوں کا شکر کیا ہے ؟  ارشاد فرمایا : ان کے ذریعے کوئی اچھی بات دیکھو تواسے عام کرواور اگر بُری بات دیکھو تو اسے چھپالو۔ اس نے عرض کی : کانوں کا شکر کیا ہے ؟  آپ نے ارشاد فرمایا :  اگر ان کے ذریعے اچھی بات سنُو تو اُسے یادکر لو اور اگر بُری بات سُنو توپوشیدہ رکھو۔ اس نے عرض کی :  ہاتھوں کا شکر کیا ہے ؟ آپ نے ارشادفرمایا :  ان سے