مہلک امراض  سے تحفظ

پیارے پیارے اسلامی بھائیو!ناشكری کاایک اندازہمارے معاشرے میں عموماًیہ بھی  دیکھا جاتاہےکہ جب تک بندہ صحت مند وتندرست رہتاہے تواللہ  پاک کی نعمت صحت وتندرستی پر شکرادا نہیں کرتا اور جونہی ہلکا پھُلکاسردرد ہو یابخار آجائے یا معمولی نزلہ زُکام ہوجائے تو اس پرصبرکرکے اجر کمانے کے بجائے بے صبری وناشکری پر اُترآتاہے۔ دنیا کے دیگرمذاہب میں  بیماری کو صرف آفت ومصیبت  ہی سمجھاجاتا ہےجبکہ دینِ اسلام ایسا پیارادین  ہے کہ اس نے  جہاں صحت وتندرستی کو نعمت قرار دیا ہے وہیں  بیماریوں اور تکلیفوں کو بھی نعمت  شماركيا ہے ، کیونکہ بیماریاں جہاں گناہوں کے کفارے کا سبب ہوتی ہیں ، وہیں بعض معمولی بیماریاں مہلک(یعنی ہلاک کردینے والے)امراض سے تحفظ کا ذریعہ بھی ہوتی ہیں۔

فقیہِ ملّت مفتی جلال الدین امجدی  رَحْمَۃُ اللہ عَلَیْہ  فرماتے ہیں : ’’بیماری سے بظاہر تکلیف پہنچتی ہے لیکن حقیقت میں وہ بہت بڑی نعمت ہے ، جس سے مومن کو ابدی راحت وآرام کا بہت بڑا ذخیرہ ہاتھ آتا ہے۔ یہ ظاہری بیماری حقیقت میں روحانی بیماریوں کا بڑا زبردست علاج ہے ،بشرطیکہ آدمی مومن ہو اور سخت سے سخت بیماری میں صبر وشکر سے کام لے۔  اگر صبر نہ کرے بلکہ جزع  فزع(یعنی رونا پیٹنا) کرے تو بیماری سے کوئی معنوی فائدہ نہ پہنچے گا یعنی ثواب سے محروم رہے گا۔ بعض نادان بیماری میں نہایت بے جا کلمات بول اٹھتے ہیں اور بعض خدائے تعالیٰ کی جانب ظلم کی نسبت کرکے کفر تک پہنچ جاتے ہیں ، یہ ان کی انتہائی شقاوت اور دنیاو آخرت کی ہلاکت کا سبب ہے۔ وَالْعِیَاذُ بِاللّٰہِ۔ (انوار الحدیث ،ص۱۹۷)

یادرکھئے ! احادیثِ مبارکہ میں بیماری کے جو فضائل بیان ہوئے ہیں ، ہمیں وہ اسی صورت میں حاصل ہوسکیں گے کہ ہم  اپنی زبان سے  شکوہ وشکایت کا اظہار کرنے کے بجائے صبر وشکر کا مظاہرہ کریں۔  حضرت عطاء بن یسار  رَضِیَ اللہ  عَنْہ سے روایت ہے کہ جب کوئی بندہ بیمار ہوتا ہے تو اللہ پاک  اس کی طرف دو فرشتے بھیجتا ہے اور ان سے فرماتا ہے : دیکھو یہ اپنی عیادت کرنے والوں سے کیا کہتا ہے ؟  پھر اگر وہ مریض اپنی عیادت کے لئے آنے والوں کی موجودگی میں اللہ پاک  کی حمد وثنا بیان کرے(یعنی شکر ادا کرے) تو وہ فرشتے اس کی