یہ بات ، بارگاہِ الٰہی میں عرض کر دیتے ہیں ، حالانکہ اللہ پاک  زیادہ جاننے والا ہے ۔  اللہ پاک  فرماتا ہے : میرے بندے کا مجھ پر حق ہے کہ میں اسے جنت میں داخل کروں اور اگر اسے شفا دُوں تو اس کے گوشت کوبہتر گوشت سے بدل دُوں اور اس کے گناہ مِٹادوں۔  (موطا امام مالک ، ۲/۴۲۹ ، حدیث ۱۷۹۸)

صَلُّوْا عَلَی الْحَبِیْب!                                                                   صَلَّی اللہ  عَلٰی مُحَمَّد

 پیارے پیارے اسلامی بھائیو!شادی بیاہ اورخُوشی کےدیگرمواقع بھی اللہ پاک کی عظیم نعمت ہیں مگر کیا خُوشی کے ان لمحات کوصحیح انداز سے مَنانے کاطریقہ بھی ہمیں معلوم ہے ؟ اللہ  پاک کی دی ہوئی اِس نعمت کا شکر کس طرح اَدا کرنا چاہیے ؟ وہ کونسے کام ہیں  جن کی وجہ سے شادی وغیرہ میں فضول کاموں سے بچ کر صحیح معنوں میں ہم اس نعمت کا شکرادا کرسکتے ہیں ؟  آئیے اس حوالے سے چند مدنی پُھول سنتے ہیں۔ سب سے پہلے ہمیں ان پُرمسرت ساعتوں میں نعمت کا شکر اَدا کرتے ہوئے رَبِّ کریم  کی نافرمانی سے بچنے کی کوشش کرنی چاہیے۔ حضرت  زِیادبِن عُبیدرَحمَۃُ اللّٰہ ِ  عَلَیْہ  سے منقو ل ہے :  نعمت پانے والے پر اللہ پاک    کا ایک حق یہ ہے کہ وہ اس نعمت کے ذریعے نافرمانی کا مرتکب نہ ہو ۔  (تاریخ مدینہ دمشق لابن عساکر ، زیاد بن عبید ، ۱۹/۱۹۱)مگرافسوس صدافسوس!ہماری اکثریت خوشی کے ان مَواقع پر بھی اپنے رَبّ   کی نافرمانی کرتے، خُوب بے حَیائی کا بازار گرم کرتے اور لوگوں کے حُقوق  پامال کرتے ہیں نیز طرح طرح کے گناہ کرکے  اپنے کریم ربّ   کی ناراضی کے اسباب پیدا کرتے ہیں۔ بعض نادان لوگ  خوشی کے ان لمحات میں مَعَاذَ اللہ   گانے باجے کی محفلیں سجاتے ہیں اورحیا کا پردہ چاک کرکے ساری ساری رات لڑکے اوربےپردہ لڑکیاں ناچتی گاتی ہیں اور اس طرح مخلوط(Mix) ماحول میں  لوگ