ہفتہ واراجتماع کے حلقوں کا شیڈول(بیرون ملک)،02 جون 2022ء

(1): سنتیں اورآداب سیکھنا:5منٹ، (2):دعایاد کرنا :5 منٹ، (3):جائزہ:5منٹ، کُل دورانیہ15منٹ

حدیث پاک کے متعلق   بقیہ  مدنی پھول

* حدیث کی رہنمائی کے بغیر احکام الٰہی کی تفصیلات جاننا اور آیات قرآنی کا منشاومراد سمجھنا ممکن نہیں۔( منتخب حدیثیں، ص٧)* بہت سے قرآنی احکام ایسے ہیں  کہ ان کے اجمال کی تفسیر حدیث سے ہوتی ہے۔( منتخب حدیثیں، ص٧)* قرآن مجید کے بعد احکامِ شریعت کی دلیل بننے میں  حدیث ہی کادرجہ ہے۔( منتخب حدیثیں، ص۲۶)* قرآن مجید و حدیث دونوں ہی دین اسلام کی مرکزی بنیاد اور احکامِ شرع کی مضبوط دلیلیں  ہیں۔( منتخب حدیثیں،ص۲۶)* بغیر احادیث ِرسول پر ایمان لائے ہوئے نہ کوئی قرآن کے مَعانی و مَطالب کو کما حقہ سمجھ سکتا ہے نہ دین اسلام پرعمل کرسکتا ہے۔( منتخب حدیثیں،ص۳۰) * اسلام میں کلام اللہ (قرآن)کے بعد کلامِ رسولاللہ (حدیث)کا درجہ ہے۔(مرآۃ المناجیح،۱/۲)* ہرانسان پرحضور عَلَیْہِ السَّلَام کی اطاعت فرض ہے اوریہ اطاعت بغیرحدیث و سنت جانے ناممکن ہے۔(مرآۃ المناجیح ،۱/۹)* احادیث سے انکار کے بعد قرآن  پر ایمان کا دعوی باطل محض ہے۔(نزہۃ القاری ،۱/۶ ۳)* جب تک یہ معلوم نہ ہوجائے کہ یہ واقعی حدیث مبارکہ ہے،اُس وقت تک بیان نہ کریں۔(فیضان فاروق اعظم ،۲/۴۵۱)* اللہ پاک کی رحمت بن کر دنیا میں تشریف لانے والے نبی  صَلَّی اللّٰہُ عَلَیْہِ واٰلِہٖ وَسَلَّمَ کا فرمان ہے:جب تک تمہیں یقینی علم نہ ہو میری طرف سے حدیث بیان کرنے سے بچو، جس نے جان بوجھ کر میری طرف جھوٹ منسوب کیا اسے چاہئے کہ وہ اپنا ٹھکانا جہنم میں بنالے۔(ترمذی، کتاب تفسیر القراٰن عن رسول اللہ ، باب ماجاء فی الذی یفسر القراٰن برایہ ، ۴/۴۳۹، حدیث:۲۹۶۰) * ایس ایم ایس SMSکے ذریعے بغیر حوالے کے کوئی بھی حدیث آگے نہ بھیجیں جب تک کسی سنی صحیح العقیدہ مفتی صاحب یا کسی عالم دین سے تصدیق نہ کروالیں۔(فیضان فاروق اعظم،۲/۴۴۰)