هره ورځ د هغه په درس كښې شريك كيدم، د ورځو تيريدو سره سره په ما كښې بدلون راتللو، بيا به زه كله كله د دعوتِ اسلامي هفته واره اجتماع كښې هُم شريك كيدم، د اسلامي ورونړو د ژوند تيرولو انداز به مې چې ليدلو نو ډىر زيات به خوشحاليدم، اَلْـحَـمْدُ لِـلّٰـه! زه په نيغه لار روان شوم، ما د فلمونو كتلو نه توبه اوكړه او مخكښې به مې چې څومره وخت په كركټ كښې بربادولو، اوس په ديني كارونو كښې مصروف اوسم.

     خوږو او مُحترمو اسلامي ورونړو! د بيان په آخره کښې د سُنَّتو فضيلت او يو څو سُنَّتونه او آداب د بيانولو ثواب حاصلووم.  يوه ورځ تاجدارِ رِسالت، شَهَنْشاهِ  نُبُوَّت صَلَّى اللهُ عَلَيْهِ وَاٰلِهٖ وَسَلَّم درې ځله اِرشاد اوفرمائيلو: ’’زما په نائب دِ د الله پاك رحمت وي، عرض اوكړے شو: حُضُور! ستاسو نائب څوك دے؟ اوئې فرمائيل: زما د سُنَّتو سره محبت كوونکي او نورو ته زده کوونکي. ^([1])

سُنّت کے مطابق میں ہر اِک کام کروں کاش!                 تُو    پیکرِ    سُنَّت    مجھے    اللہ   بنا    دے^([2])

اے کاش! زما هر کار شي د سُنَّتو مطابق         پيکر کړې د سُنَّتو ما، زما خوږه مَولٰی

د اوبو څښلو 13 سُنَّتونه او آداب

     فرمانِ آخري نبـي محمدِ عربي صَلَّى اللهُ عَلَيْهِ وَاٰلِهٖ وَسَلَّم: د اُوښ په شان صرف په يوه ساه کښې  مه څښئ بلكه دوه يا درې ځله (ساګانو اخستلو سره ئې) څښئ او چې څښل شروع كوئ نو مخكښې بِسْمِ اللّٰه اولوَلئ او چې كله د څښلو نه فارغه شئ نو اَلْحَمْدُ لِلّٰه اووائې.“   ^[3]