که اوبه وي او که بل يو د څښلو څيز وي * د څښلو نه مخکښې بِسمِ الله لولئ * په چوپلو چوپلو واړه واړه ګوټونه کوئ، په غټو ګوټونو کښې څښلو سره د ځِيګر بيماري پيدا کيږي * اوبه په درې ساګانو کښې په ناسته او په ښي لاس څښئ * که په لوټه وغيره مو اودس کړے وي نو د هغې پاتې شوي اوبه څښل د اَويا مرضونو نه شِفا ده ځكه چه دا د آبِ زم زم شريف سره مشابهت لري، د دې دوو (يعني د اودس نه پاتې شوو اوبو او آبِ زم زم شريف) نه علاوه نورې اوبه په ولاړه ولاړه څښل مکروه دي. دا دوه (قِسمه) اوبه مخ په قبله په ولاړه ولاړه څښئ * د څښلو نه مخکښې اوګورئ چه د څښلو په څيز کښې څه نقصان وركوونكے څيز وغيره خو نشته. * د څښلو نه پس اَلْحَمْدُلِلّٰہ اولوَلئ * حُجَّةُ الاسلام حضرت سيِّدنا امام محمّد غزالي رَحْمَةُ اللهِ عَلَيْه فرمائي: بِسمِ الله دِ اولولي او څښل دِ شروع کړي. د وړومبئ ساه په آخره کښې دِ اَلْحَمْدُلِلّٰہ  د دويمې ساه نه پس دِ اَلْـحَـمْـدُ لـِلّٰـہِ رَبِّ الْـعٰـلَـمِیْنؕ  او د دريمي ساه په آخره کښې دِ اَلْحَمْدُ لِلّٰهِ رَبِّ الْعٰلَمِيْنَ الرَّحْمٰنِ  الرَّحِيْمِ ؕ  اولولي. * په ګِلاس [وغيره] کښې پاتې شوي د مسلمان صفا سُترہ جُوټه اوبه چې د استعمال قابِلې وي فُضُول توئ کول نه دي پکار. * منقول دي: سُؤْرُ الْمُؤْمِنِ شِفَاءٌ يعنې د مسلمان په جوټه كښې شِفا ده. * د څښلو نه لږ ساعت پس چې خالي ګلاس اوګورئ نو د هغې په ويخ کښې به د ديوالونو نه يو څو څاڅکـي اوبه راجمع شوي وي هغه هم اوڅښئ.^[1]

  مختلف سُنَّتونه او آداب  زده كولو د پاره د مَكْتَبَةُ الْمَدِينه بهارِ شريعت جلد 3 نه حِصَّه 16 او د شيخِ طريقَت، اَمِیرِ اهلسنّت، حضرتِ علّامه مَولانا محمد الیاس عطّار قادِری دَامَـتْ بَـرَكَـاتُـهُـمُ الْـعَـالِـيَـهْ د 100 صفحو كتاب 550 سُنَّتيں اور آداب واخلئ او اولولئ ئې. د سنَّتو زده كولو يوه ذريعه د دعوتِ اسلامي په قافلو كښې عاشقانِ رسول سره د سُنَّتو ډك سفر هم دے. 

      الله پاك دِ مونږ ټولو ته د عمل كولو توفيق راكړي.   اٰمِین بِجَاہِ خاتَمِ النَّبِیِّيْن صَلَّى اللهُ عَلَيْهِ وَاٰلِهٖ وَسَلَّم