څومره كيدے شو د ډډه وهلو په ځائے به د عِلمِ دِين د تعظيم [يعني ادب] په نِيَّت د اَلتَّحِيَّات په شكل كښې كښينم * كه قلم كاغذ درسره وي نو د اهمو نكاتو نوټ كولو نِيَّت هم اوكړئ.

      مُحترمو اسلامي ورونړو! د ثواب حاصلولو د پاره د بيان اوريدو نه مخكښې ښه ښه نِيَّتونه كوو: فرمَانِ مُصطَفٰے صَلَّى اللهُ تَعَالٰى عَلَيْهِ وَاٰلِهٖ وَسَلَّم: ”نِيَّةُ الْمُؤْمِنِ خَيْرٌمِّنْ عَمَلِهٖ“ د مُسلمان نِيَّت د هغه د عمل نه بهتر دے.^[1]

هر نيك او جائز كار كښې چې څومره ښه نِيَّتونه زيات وي هغه همره به ثواب هُم زيات كيږي.

صَـــلُّـــوْا  عَـــلَـی   الْــحَـــبِــيْــب!                    صَـلَّـی اللهُ   تَعالٰـی عَلـٰی   مُـحَـمَّد

د حضرت جِزْئِيْل رَحْمَةُ اللهِ عَلَيْه د اِيمان نه ډك حكايت

     په سيپارۀ 24، سورۀ مُومِن، آيت: 44 كښې دي:  

وَ اُفَوِّضُ اَمْرِیْۤ اِلَى اللّٰهِؕ-اِنَّ اللّٰهَ بَصِیْرٌۢ بِالْعِبَادِ(۴۴)                 (پارہ24،سورۀ مُومِن:44)                       

مفهوم ترجمہ کنزُ العِرفان: او زه خپل كارونه الله ته سپارم، بيشكه الله بندګان ويني.

    خوږو او محترمو اسلامي ورونړو! د آيتِ كريمه دا فرمان په اصل كښې د حضرت موسٰى عَلَيْهِ السَّلام د يو اُمَّتـي قول دے كوم چې الله پاك په قرآنِ كريم كښې ذِكر فرمائيلے دے. واقعه څه داسې شوي وه چې فرعون كوم چې ډير سركشه، سخت ظالِم، كافِر باشاده وو او د خُدائي دعوٰى ئې كوله، د هغه د تره ځوئ ته الله پاك د هدايت نُور ورعطا كړو او هغه د حضرت موسٰى عَلَيْهِ السَّلام كَلِمَه اووئيله، او ايمان ئې