ہے۔ بلکہ مُعتَدِل آوازمیں اِن الفاظ کے ساتھ سلام عرض کریں :

اَلسَّلَامُ عَلَیْکَ اَیُّھَا النَّبِیُّ وَرَحْمَۃُ اللّٰہِ وَ بَرَکَاتُہ ، اَلسَّلَامُ عَلَیْکَ یَارَسُوْلَ اللّٰہِ ، اَلسَّلَامُ عَلَیْکَ یَاخَیْرَ خَلْقِ اللّٰہِ ، اَلسَّلَامُ عَلَیْکَ یَاشَفِیْعَ الْمُذْنِبِیْنَ ، اَلسَّلَامُ عَلَیْکَ وَعَلٰی اٰلِکَ وَاَصْحَابِکَ وَاُمَّتِکَ اَجْمَعِیْنَ ،

(یعنی) اے نبی صَلَّی اللہُ عَلَیْہِ واٰلہٖ وسلَّم آپ پر سلام اور اللہ پاک کی رَحمت اوربَرَکتیں ۔ اے اللہ پاک کے رسول صَلَّی اللہُ عَلَیْہِ واٰلہٖ وسلَّم آپ پر سلام ۔  اے اللہ پاک کی تمام مخلوق سے بہتر ، آپ پر سلام۔ اے گُناہ گاروں کی شَفاعت کرنے والے آپ پر سلام ، آپ پر ، آپ کی آل و اَصحاب پر اور آپ کی تمام اُمَّت پر سلام ۔

صَلُّوا عَلَی الْحَبیب!                                       صَلَّی اللہُ  عَلٰی مُحَمَّد

حضرت امام قسطلانی نقل فرماتے ہیں : ’’جوکوئی حُضورِاکرم ، نورِ مُجسَّم صَلَّی اللہُ  عَلَیْہِ واٰلہٖ وسلَّم کی قبرِمُعَظَّم کے رُوبَرُو کھڑا ہوکر یہ آیتِ شریفہ پڑھے : اِنَّ اللّٰہَ وَمَلٰئِکَتَہ یُصَلُّوْنَ عَلَی النَّبِیِّ (پ ۲۲ ، الاحزاب : ۵۶) پھر ستَّر مرتبہ : “ صَلَّی اللہُ عَلَیْکَ یَامُحَمَّد “ عرض کرے توفِرِشتہ اِس کے جَواب میں یوں کہتا ہے : اے فُلاں! تجھ پراللہ   پاککی رَحمت ہو۔ اوراُس کی کوئی حاجَت باقی نہیں رہتی۔ ‘‘(المواہب اللدنیۃ ، المقصد العاشر ، الفصل الثانی فی زیارۃ قبرہ الشریف …الخ ، ۳ / ۴۱۲)

جہاں تک زبان ساتھ دے ، دِل جَمعی کے ساتھ  مختلف اَلقاب کے ساتھ سلام عرض کرتے رہیں ، اگر اَلقاب یاد نہ ہوں تو اَلصَّلٰوۃُوَالسَّلَامُ عَلَیْکَ یَا رَسُوْلَ اللّٰہ کی تکرار کرتے رہیں ، جن جن لوگوں نے آپ کو سلام کے لئے کہا ہے اُن کا بھی سلام عرض