کے رُوبَرُو مواجَھہ شریف میں حاضِرہوں کہ سرکارِ مدینہ ، راحتِ قلب و سینہ صَلَّی اللہُ عَلَیْہِ واٰلہٖ وسلَّم  اپنے مزارِ پُر اَنوار میں رُو بَقبلہ جلوہ اَفروز ہیں ، مُبارَک قدموں کی طرف سے آپ حاضِر ہوں گے تو سرکار صَلَّی اللہُ عَلَیْہِ واٰلہٖ وسلَّم کی نِگاہِ بے کس پناہ براہِ راست آپ کی طرف ہوگی اور یہ بات بے حد ذَوق اَفزا ہونے کے ساتھ ساتھ آپ کے لئے سَعادتِ دارَین کا سبب بھی ہے۔ “ (بہارِ شریعت ، ۱ / ۱۲۲۴ ، ملخصاً)

قبلہ کو پیٹھ کئے کم اَز کم چار ہاتھ (دو گز)دُور نَماز کی طرح ہاتھ باندھ کر سرکار صَلَّی اللہُ عَلَیْہِ واٰلہٖ وسلَّمکے چہرۂ اَنور کی طرف رخ کر کے کھڑے ہوں کہ “ فتاوی عالمگیری “ وغیرہ میں یہی ادب لکھا ہے کہ یَقِفُ کَمَا یَقِفُ فِی الصَّلٰوۃ ، یعنی سر کارِ مدینہ  صَلَّی اللہُ عَلَیْہِ واٰلہٖ وسلَّم کے دَربار میں اِس طرح کھڑا ہو جس طرح نَماز میں کھڑا ہوتا ہے ۔ یاد رکھیں ! سرکار صَلَّی اللہُ عَلَیْہِ واٰلہٖ وسلَّم اپنے مزارِ پُر اَنوار میں عین حیاتِ ظاہری کی طرح زِندہ ہیں اور آپ کو بھی دیکھ رہے ہیں بلکہ آپ کے دِل میں جو خَیالات آرہے ہیں اُن پر بھی مُطَّلع ہیں۔ خبردار! جالی مُبارَک کو بوسہ دینے یا ہاتھ لگانے سے بچیں کہ یہ خِلافِ اَدَب ہے کہ ہمارے ہاتھ اِس قابِل ہی نہیں کہ جالی مُبارَک کو چھوسکیں ، لہٰذا چار ہاتھ ( دو گز) دُور ہی رہیں ، یہ کیا کم شَرَف ہے کہ سرکار صَلَّی اللہُ عَلَیْہِ واٰلہٖ وسلَّم نے آپ کو اپنے مواجَھَہ اَقدس کے قریب بُلایا اور سرکار صَلَّی اللہُ عَلَیْہِ واٰلہٖ وسلَّم کی نِگاہِ کَرَم اب خُصُوصِیَّت کے ساتھ آپ کی طرف ہے ۔ (بہارِ شریعت ، ۱ / ۱۲۲۴-۱۲۲۵ ، ملخصاً)

اب اَدب اور شوق کے ساتھ دَرد بھری آواز میں مگر آواز اتنی بُلند اور سخت نہ ہو کہ سارے اَعمال ہی ضائع ہوجائیں ، نہ بالکل ہی پَست کہ یہ بھی سُنَّت کے خِلاف