بیان سننے کی نیتیں

حدیثِ پاک میں ہے : اَفْضَلُ الْعَمَلِ اَلنِّيَّةُ الصَّادِقَةُ سچی نیت  اَفْضَل تَرین عَمَل ہے۔ ^([1])

اے عاشقانِ رسول! ہر کام سے پہلے اچھی اچھی نیتیں کرنے کی عادَت بنائیے کہ اچھی نیت بندے کو جنَّت میں داخِل کروا دیتی ہے۔ بیان سننے سے پہلے بھی اچھی اچھی نیتیں کر لیجئے! مثلاًنیت کیجئے! *عِلْم سیکھنے کے لئے پورا بیان سُنوں گا *بااَدب بیٹھوں گا *دورانِ بیان سُستی سے بچوں گا  *اپنی اِصْلاح کے لئے بیان سُنوں گا *جو سُنوں گا دوسروں تک پہنچانے کی کوشش کروں گا۔

صَلُّوْا عَلَی الْحَبیب!                                               صَلَّی اللّٰہُ عَلٰی مُحَمَّد

بعض سَفَر بھی عِبَادت ہیں

پارہ 20 ، سورۂ عنکبوت ، آیت : 20 میں اللہ پاک ارشاد فرماتا ہے :

قُلْ سِیْرُوْا فِی الْاَرْضِ فَانْظُرُوْا كَیْفَ بَدَاَ الْخَلْقَ ثُمَّ اللّٰهُ یُنْشِئُ النَّشْاَةَ الْاٰخِرَةَؕ-اِنَّ اللّٰهَ عَلٰى كُلِّ شَیْءٍ قَدِیْرٌۚ(۲۰) (پارہ20 ، سورۃالعنکبوت : 20)                            

ترجمہ کنز العرفان : تم فرماؤ زمین میں چل کر دیکھو کہ اللہ نے پہلے کیسے بنایا ، پھر اللہ دوسری مرتبہ پیدا فرمائے گا ، بےشک اللہ ہر شَے پر قادِر ہے۔

اس آیتِ مبارکہ کی وضاحت آپ کے سامنے پیش کرنے سے پہلے ایک خوشخبری بھی عرض کرتا چلوں ، وہ یہ کہ سیدی اعلیٰ حضرت رَحْمَۃُ اللہِ عَلَیْہ کا لکھا ہوا ترجمۂ قرآن “ کنز الایمان “ ، اس میں چونکہ الفاظ قدرے مشکل تھے ، اسے سمجھنا دُشْوار ہوتاتھا ، لہٰذا ہماری