Meraj K Mojzaat 27 Rajab 1442

Al Quran Books Madani Channel

Magazine Courses Media

سرکارِ ذی وقار ، دو جہان کے مالِک ومختار صَلّی اللہُ عَلَیْہ وآلِہ وسَلَّم کو دولہا بنایا ، جنتی لِبَاس پہنایا ، بُراق (نامی جنّتی جانور)حاضِر کیا ، یہ بُراق انتہائی تیز رفتار تھا ، اس کی تیز رفتاری عقل سے باہَر ہے :

تھا بُراقِ نبی یا کہ نُورِ نظر یہ گیا ، وہ گیا اور نہاں ہو گیا

حضرت جبریل امین عَلَیْہِ السَّلام نے بُراق کی لگام پکڑی ، اسرافیل عَلَیْہِ السَّلام پیچھے ہوئے ، فرشتوں نے چاروں طرف سے بُراق کو گھیر لیا ، اس شان سے مِعْراج کے دولہا ، مکی مدنی مصطفےٰ صَلّی اللہُ عَلَیْہ وآلِہ وسَلَّم کی سُواری مکہ مکرمہ سے روانہ ہوئی ، آن کی آن میں بیت المقدس آیا ، بیت المقدس میں تمام انبیا ، رُسُل اور فرشتے پہلے ہی استقبال کے لئے مَوْجُود تھے ، نماز کی تیاری تھی ، بَس اِمام کا انتظار تھا۔

اللہ! اللہ! کیا شان ہے ہمارے آقا ومولیٰ ، محمد مصطفےٰ صَلّی اللہُ عَلَیْہ وآلِہ وسَلَّم کی...!! آسمانِ نبوت کے وہ چمکتے ستارے جن کے دَم سے جہان میں روشنی رہی ، باغِ رسالت کے مہکتے پھول جن سے زمانہ مہک رہا تھا ، جن کے پیچھے پیچھے چَل کر زمانہ راہِ جَنّت پر رواں دواں تھا ، آج وہ صَفْ باندھ کر شہنشاہِ نبوت ورسالت ، تاجدارِ خَتْمِ نبوت صَلّی اللہُ عَلَیْہ وآلِہ وسَلَّم کے پیچھے کھڑے ہونے ، ان کی پیروی میں نماز پڑھنے کے لئے انتظار کر رہے ہیں۔

سچے عاشقِ رسول ، اِمامِ اہلسنت ، شاہ اِمام احمد رضاخان رحمۃ اللہ علیہ کیا خُوب فرماتے ہیں :

سب سے اوّل سب سے آخر اِبتدا ہو اِنتہا ہو

تھے وسیلے سب نبی تُم اصل مقصودِ ہُدیٰ ہو

قُربِ حق کی منزلیں تھے تُم سفر کا منتہیٰ ہو

Important

Mobile Apps

Contact Us