میں نہیں ہوگا۔ ^[1]

ڈر تھا  کہ عصیاں  کی سزا ، اب  ہو گی یا  روزِ  جزا

دی اُن کی رحمت نے صدا ، یہ بھی نہیں وہ بھی نہیں^[2]

                             شعر کی وضاحت : یعنی گناہوں کی کثرت کی وجہ سے ڈر تھا کہ پتا نہیں گناہوں کی سزا دنیا میں ملے  گی یا آخرت  میں۔ مگر رحمت والے آقا سوہنے سوہنے مصطفیٰ   صَلَّی اللّٰہُ عَلَیْہِ وَاٰلِہٖ وَسَلَّم  کو  اپنی اُمّت کی پریشانی کب گوارا ہوتی ہے ان کی رحمت نے آواز لگائی گھبراؤنہیں نہ  دنیا میں سزا  ملے گی نہ  آخرت میں ۔

پیشِ حق مژدہ شفاعت کا سناتے   جائیں گے                  آپ روتے جائیں گے ہم کو ہنساتے جائیں گے

دل نکلنے کی جا ہے آہ کِن آنکھوں سے وہ                  ہم سے پیاسوں کے لیے دریا بہاتے جائیں گے

کچھ خبر بھی ہے فقیرو آج وہ دن ہے کہ وہ            نعمتِ خلد اپنے صدقے میں لٹاتے جائیں گے

خاک اُفتادو بس اُن  کے آنے ہی کی دیر ہے             خود وہ گِر کر سجدہ میں تم کو اُٹھاتے جائیں گے

وُسعتیں دی ہیں خُدا نے دامنِ محبوب کو                       جُرم کُھلتے جائیں گے اور وہ چُھپاتے جائیں گے

لو وہ آئے مسکراتے ہم اسیروں کی طرف                    خِرْمَنِ عِصیاں پر اب بجلی گراتے جائیں گے

آنکھ کھولو غمزدو دیکھو وہ گِریاں آئے ہیں                     لَوحِ دل سے نقش ِ غم کو اب مٹاتے جائیں گے^[3]

صَلُّوا عَلَی الْحَبیب!          صَلَّی اللّٰہُ عَلٰی مُحَمَّد