کھو گیا۔ صُبحِ صادِق کا سہانا وقت قریب آیا ، تمام عاشِقانِ رَسُول صُبحِ بہاراں کے اِستقبال کیلئے کھڑے ہو گئے ، اِجتِماع پر ایک وَجدساطاری تھا ، ہر طرف مَرحبا یامصطفےٰ! کی دُھومیں مچی تھیں ، شاہِ خیرالانام صَلَّی اللّٰہُ عَلَیْہِ وَاٰلہٖ وَسَلَّم کی بارگاہ ِ بے کس پناہ میں دُرُود و سلام کے گُلدستے پیش کئے جا رہے تھے ، عاشقانِ رَسُول کی آنکھوں سے آنسو جاری تھے ، ہر طرف سے آہوں اور سسکیوں کی آوازیں آرہی تھیں ، مجھ پر بھی عجیب کیف و مستی طاری تھی ، میری گنہگار آنکھوں نے ہر طرف ہلکی ہلکی بُندکیاں اور خوشگوار پُھوار برستی دیکھی ، گویا سارے کا سارا اِجتماع رَحمت کی بارش میں نہا رہا تھا ، میں سر کی آنکھیں بند کئے پیارے پیارے آقا صَلَّی اللّٰہُ عَلَیْہِ وَاٰلہٖ وَسَلَّمکے حسین تصوُّر میں گُم دُرُود و سلام پڑھنے میں مشغول تھا۔ یکایک دِل کی آنکھیں کُھل گئیں ، سچ کہتا ہوں ، جس کا جَشنِ وِلادت مَنایا جا رہا تھا اُسی نور والے آقا صَلَّی اللّٰہُ عَلَیْہِ وَاٰلہٖ وَسَلَّم نےمجھ سراپا گنہگار  پر کَرم بالائے کَرم فرما دیا اورمجھے اپنا دِیدار کرا دیا ، دِیدار سے کلیجا ٹھنڈا ہو گیا۔ واقعی اُس اسلامی بھائی نے بِالکل سچ کہا تھا کہ دعوتِ اسلامی کا اِجتماعِ میلاد تو حَسبِ سابِق(یعنی پہلے کی طرح) سوزو رِقّت والا ہی ہے مگر ہماری اپنی کیفیت بدل گئی ہے ، اگر ہم مُتوجِّہ رہیں تو آج بھی اُن کے جَلوے عام ہیں۔      

آمدِ مصطَفیٰ مرحبا مرحبا                                                                  اَحمدِ مُجْتبٰی مرحبا مرحبا

یاشفیعَ الْوَریٰ مرحبا مرحبا                                                        خاتَمُ الْاَنبِیا مرحبا مرحبا

یارسولِ خدا مرحبا مرحبا                                                               جان تم پر فدامرحبا مرحبا

                   صَلُّوْا عَلَی الْحَبِیْب!                                                                                               صَلَّی اللہُ عَلٰی مُحَمَّد