مدینے میں عظیمُ الشان اِجتماعِ میلاد

حضرتِ سَیِّدُنا شیخ علی بِن مُوسیٰ مدینی مالکیرَحْمَۃُ اللّٰہِ عَلَیْہِ فرماتے ہیں : مسجدِنبوی شریف میں ایک زمانے تک 12رَبیعُ الاول کے دِن عظیمُ الشان اِجتماعِ میلاد ہوتاتھا ، جس میں بڑے بڑے اِمام بیان فرماتے۔ 12 رَبیع الاول کی صبح کا سورج نکلتے ہی میلاد شریف کی محفل کا آغاز ہو جاتا اور میلاد پڑھنے کیلئے 4 اَئِمّہ (یعنی چار  امام) مقرر ہوتے۔ محفل شریف حَرم شریف کےصِحن میں ہوتی ۔  پہلے ایک امام صاحِب میلاد شریف کی مَخْصُوْص کُرسی پر بیٹھ کر اَحادیث پڑھتے پھر دوسرے امام کُرسی پر بیٹھتے اور حضور صَلَّی اللّٰہُ عَلَیْہِ وَاٰلہٖ وَسَلَّم کی وِلادت شریف پر بیان کرتے۔ پھر تیسرے امام حضور صَلَّی اللّٰہُ عَلَیْہِ وَاٰلہٖ وَسَلَّم کی رَضاعت (یعنی دودھ پینے کا جو زمانہ تھا اس ) پربیان کرتےپھر چوتھے امام تشریف لاتے اور وہ ہجرت پر بیان کرتے ۔ آخر میں لوگ شربت پیتے اور بادام کا حَلوہ لے کر واپس لوٹتے۔ ^[1]

عَدُو وِلادَتِ شیطاں کے دن منائے خوشی                   کہ عید ، عید ہماری ہے بارہویں تاریخ

حسن وِلادتِ سَرکار سے ہوا روشن               میرے خدا کو بھی پیاری ہے بارہویں تاریخ^[2]

صَلُّوْا عَلَی الْحَبِیْب!                                                                  صَلَّی اللّٰہُ عَلٰی مُحَمَّد

جَشنِ وِلادت پر خوشی مَنانے کا اِنعام

حضرتِ سَیِّدُنا امام عَبْد ُالرَّحمٰن اِبنِ جوزی رَحْمَۃُ اللّٰہِ عَلَیْہِ  فرماتے ہیں : جَشنِ ولادت پر خوشی کرنے والے کے لیےیہ خوشی جہنم سے رُکاوٹ بنے گی ، جو جَشنِ وِلادت کی