ہوا! نبیِ کریم ، رءوفٌ رَّحیم صَلَّی اللّٰہُ عَلَیْہِ واٰلِہٖ وَسَلَّمَ سے بڑا کوئی سخاوت کرنے والا نہیں ، دودھ کا صرف ایک ہی پیالہ تھا ، آپ صَلَّی اللّٰہُ عَلَیْہِ واٰلِہٖ وَسَلَّمَ خود ہی اسے استعمال فرماسکتے تھے مگر یہ گوارا نہ ہوا بلکہ رسولِ ہاشمی ، مکی مَدَنی صَلَّی اللّٰہُ عَلَیْہِ واٰلِہٖ وَسَلَّمَ نے صُفّہ والوں کو بُلا کر انہیں بھی اور حضرت ابو ہریرہ رَضِیَ اللہُ عَنْہُ کو بھی دودھ پلا کر اپنی سخاوت کے دریا بہادیئے۔ ایسا کیوں نہ ہو کہ ہمارے آقا ، دوعالم کے داتا صَلَّی اللّٰہُ عَلَیْہِ واٰلِہٖ وَسَلَّمَ تمام بنی آدم میں سب سے بڑھ کر سخی ہیں۔ جیسا کہ حضرت انس بن مالک رَضِیَ اللہُ عَنْہُ سے روایت ہے کہ ایک بار رسولِ خدا ، مکی مَدَنی آقا صَلَّی اللّٰہُ عَلَیْہِ واٰلِہٖ وَسَلَّمَ نے فرمایا : کیا تم لوگ جانتے ہو کہ سب سے بڑا سخاوت کرنے والا کون ہے؟صحابَۂ کرام عَلَیْہِمُ الرِّضْوَان نے عرض کی : اللہ پاک اور اس کا رسول صَلَّی اللّٰہُ عَلَیْہِ واٰلِہٖ وَسَلَّمَ بہتر جانتے ہیں۔ تو آپ صَلَّی اللّٰہُ عَلَیْہِ واٰلِہٖ وَسَلَّمَ نے ارشاد فرمایا : اللہ پاک سب سے بڑھ کر جَوادہے ، پھر تمام اولادِ آدم میں سب سے بڑھ کر سخاوت کرنے والا میں ہوں۔

(شعب الایمان ، الثامن عشر  ، باب فی نشر العلم ،  ۲ / ۲۸۱ ،  حدیث : ۱۷۶۷ملتقطا)            

صَلُّو ْا عَلَی الْحَبِیْب!                                           صَلَّی اللہُ عَلٰی مُحَمَّد

حضرت  ابوہریرہ رَضِیَ اللہُ عَنْہُ کا مختصر تعارف

      پیاری پیاری اسلامی بہنو!اس واقعے میں حضرت ابوہریرہ رَضِیَ اللہُ عَنْہُ کا بھی ذکر ہے اور ساتھ میں دیگر اَصحابِ صُفّہ کا بھی تذکرہ ہے۔

پیارے آقا صَلَّی اللّٰہُ عَلَیْہِ واٰلِہٖ وَسَلَّمَ کی صحبت کا شَرَف پانےوالے روشن ستاروں میں سے ایک حضرت ابوہریرہ رَضِیَ اللہُ عَنْہُبھی ہیں۔ آپ رَضِیَ اللہُ عَنْہُ 7 ہجری فتحِ خیبر کے سال ایمان لائے۔ غالباً آپرَضِیَ اللہُ عَنْہُکا نام عَبْدُ الرَّحْمٰن بن صَخْردَوسی تمیمی ہے۔ ایک بار مدینے کے تاجدار صَلَّی اللّٰہُ عَلَیْہِ واٰلِہٖ وَسَلَّمَ نے حضرت