ابوہریرہ رَضِیَ اللہُ عَنْہُ کی آستین(Sleeve) میں چھوٹی بلّی(Cat)دیکھی تو فرمایا : یَااَبَا ہُرَیْرَۃ یعنی اے چھوٹی بلّی والے! ، تب سے آپ رَضِیَ اللہُ عَنْہُ ابوہریرہ کی کُنْیَت سے مشہور ہو گئے۔ آپ رَضِیَ اللہُ عَنْہُ نے نبیّ ِکریم صَلَّی اللّٰہُ عَلَیْہِ واٰلِہٖ وَسَلَّمَ کی کثیر احادیث روایت کیں ، جن کی تعدادپانچ ہزارتین سو چوہتر(5374) ہے۔ (عمدۃ القاری ، ۱ / ۱۹۴ ،  تحت الحدیث : ۹  ،  ملخصاً)

آپ رَضِیَ اللہُ عَنْہُ کا عِلمِ دِین سے شوق کا عالَم یہ تھاکہ جو بات معلوم نہ ہوتی حُضُورِاکرم صَلَّی اللّٰہُ عَلَیْہِ واٰلِہٖ وَسَلَّمَ سےبِلا جھجک پوچھ لیا کرتے۔ (الاصابہ ،  ۷ / ۳۵۴) اپنا زیادہ سے زیادہ وقت نبیِّ کریم صَلَّی اللّٰہُ عَلَیْہِ واٰلِہٖ وَسَلَّمَ کی صحبتِ بابرکت  میں گزارتے۔ (اسد الغابۃ ،  ۶ / ۳۳۸) بخاری شریف میں ہے : حضرت ابوہریرہ رَضِیَ اللہُ عَنْہُ  فرماتے ہیں : ایک مرتبہ میں نے بارگاہِ رسالت میں عرض کی : یارسولاللہ صَلَّی اللّٰہُ عَلَیْہِ واٰلِہٖ وَسَلَّمَ!میں آپ سے فرامین سنتا ہوں مگر بھول جاتا ہوں؟ ارشاد فرمایا : ابوہریرہ! اپنی چادر پھیلاؤ ، میں نے پھیلادی تو مالِکِ جنّت ، قاسِمِ نعمت صَلَّی اللّٰہُ عَلَیْہِ واٰلِہٖ وَسَلَّمَ نے اپنے ہاتھ مبارک سے چادر میں کچھ ڈال دیا اور فرمایا : اِسے اُٹھالو اور سینے سے لگا لو!میں نے حکم  پر عمل کیا ، اِس کے بعد میں کوئی بھی چیز نہیں بُھولا۔

(بخاری ، کتاب العلم باب حفظ العلم  ۱ / ۶۲ ،  حدیث :  ۱۱۹ملخصاً)

حضرت ابو ہُریرہ رَضِیَ اللہُ عَنْہُ نے ایک مرتبہ دعا مانگی : اَللّٰهُم اِنِّي اَسْأَلُكَ عِلْماً لَا یُنسَى “ اے اللہ  پاک میں تجھ سے ایسا علم مانگتا ہوں جو کبھی نہ بھولوں۔ “ رسولِ خدا صَلَّی اللّٰہُ عَلَیْہِ واٰلِہٖ وَسَلَّمَ نے آپ رَضِیَ اللہُ عَنْہُ کی دعا پر “ آمین “ فرمایا۔ (مستدرک ، ۴ / ۶۴۹ ، حدیث : ۶۲۱۴)آپ رَضِیَ اللہُ عَنْہُ کے پاس ہزار گِرہیں لگا ہوا ایک دھاگا تھا ، جس پر تسبیح پڑھے بغیرنہیں سوتے تھے۔ (صفۃ الصفوۃ  ،  ۱ / ۳۵۱)

آپ رَضِیَ اللہُ عَنْہُ  ہرمہینے کے آغاز میں تین(3) روزے رکھتے اور اگر کسی وجہ سے نہ رکھ پاتے تو مہینے کے آخرمیں تین(3) روزے رکھ لیتے۔ (مسند احمد ، ۳ / ۲۶۸ ، حدیث : ۸۶۴۱ماخوذاً)آپ رَضِیَ اللہُ عَنْہُ مدینۂ پاک کے