کریم صَلَّی اللہُ عَلَیْہِ وَاٰلِہٖ وَسَلَّم نے اپنی مبارَک زبان سے جنت کی خوشخبری سُنائی،ان کی عبادت سے مَحَبَّت اور تلاوتِ قرآن سے عشق کا یہ عالَم تھا کہ دن رات عبادت اور تلاوتِ قرآن کرتے کرتے گزرتے تھے۔دوسری جانب ان لوگوں کا حال ہے،جن کا اکثر وَقْت فضولیات میں برباد ہوجاتا ہے، ان کے دن رات غفلتوں کی نذر ہورہے ہیں،ان کے پاس نہ توعبادت کے لئے وَقْت ہے اور نہ ہی تلاوتِ قرآن کے لئے،ہاں!دنیاوی معاملات کے لئے ایسوں کے پاس وَقْت ہی وَقْت ہے،ان کے  قیمتی لمحات اخبارات کا مطالعہ کرنے،خبریں(News)دیکھنے،سننے یا پڑھنے میں گزر جاتے ہیں،رات دیر تک ہوٹلوں اور چوراہوں پر بیٹھنانہ جانے کتنوں کامعمول بن چکا ہے،اللہ پاک کی پناہ! اب تو جگہ جگہ ایسے کئی چائے  کے ہوٹلز ملیں گے جہاں بالخصوص نوجوان رات کودیر تک بیٹھ کر گپ شپ لگاتے ہیں،سوشل میڈیا  کا استعمال اورموبائل فون پر ویڈیو گیمزکھیل کراپنا قِیمتی وَقْت برباد کرتے ہیں بلکہ مَعَاذَ اللہ نمازِ فجر کے وَقْت غفلت کی نیندسوجاتے ہوں گے۔بعض نادان موبائل و انٹرنیٹ استعمال کرنے میں اس قدر مشغول ہوجاتے ہیں کہ انہیں وَقْت کا پتا ہی نہیں چل پاتا، کام کاج کی چھٹی کرنا تو دور کی بات ہے چند منٹوں کی تاخیر سے جانا بھی گوارا نہیں کرتے مگر آہ!فرائض و واجبات کی ادائیگی،نفل عبادات کی بجاآوری،جماعت سےنماز کی حاضری اور تلاوتِ قرآن کرنے کے حوالے سے اِنتہائی غفلت و سُستی کا عالَمہے۔آئیے!اپنے اندر عبادت و تلاوت کا ذوق و شوق بیدار کرنے کے لئے 2 فرامینِ مُصْطَفٰے صَلَّی اللّٰہُ عَلَیْہِ واٰلِہٖ وَسَلَّمَ سنئے اور عبادات و تلاوت کرنے کی عادت بنائیے، چنانچہ

(1)ارشاد فرمایا:اللہ پاک ارشاد فرماتا ہے:اے انسان!تُو میری عبادت کے لئے فارغ ہوجا میں  تیرا سینہ مالداری سے بھر دُوں  گا اور تیری محتاجی کا دروازہ بند کر دوں  گا،اگر تُو ایسانہیں  کرے گا تو میں  تیرے دونوں  ہاتھ مصروفیات سے بھر دوں  گا اور تیری محتاجی کا دروازہ بند نہیں  کروں  گا۔