صَلُّوْا عَلَی الْحَبِیْب!                                   صَلَّی اللّٰہُ عَلٰی مُحَمَّد

پیارےپیارے اسلامی بھائیو!آپ نے سُنا کہ عاشقوں کے اِمام،اعلیٰ حضرت مَولانا شاہ اِمام اَحمد رضا خانرَحْمَۃُ اللّٰہ ِعَلَیْہ مدینے کے تاجدار،دوعالَم کے مالِک و مُختار صَلَّی اللّٰہُ عَلَیْہِ واٰلِہٖ وَسَلَّمَ کے دربارِ پُر انوار کی حاضِری کے لئے کِس قدَر بےقَرار رَہا کرتے تھے،آپ چاہتے تو کچھ مُدَّت کے  بعد اِس سَعادَت سے مُشَرَّف  ہو جاتے مگرمحبتِ مدینہ چُونکہ آپ کا سَرمایہ اور حاضِریِ مدینہ آپ کی منزلِ مقصودتھی، لہٰذا سَخْت بیماری بھی آپ کو درِرسول کی حاضِری سے نہ روک سَکی، الغَرَض آپ پرایک ہی دُھن سُوار تھی کہ بس کسی طرح رَوْضَۂ رسول کی ایک جَھلک دیکھ لُوں اور اپنی آنکھیں ٹھنڈی کر لُوں، پھر بَھلے میری جان بھی چَلی جائے تو مجھے کوئی پَروا  نہ ہوگی۔

مری خاک یاربّ نہ برباد جائے                                        پَسِ مَرْگ کر دے غُبارِ مدینہ

مَلائک لگاتے ہیں آنکھوں میں اپنی                                    شَب و روز خاکِ مزارِ مدینہ

رہیں اُن کے جَلوے بَسیں اُن کے جلوے                         مِرا دل بنے یادگارِ مدینہ

(ذوقِ نعت،ص ۲۱۲،۲۱۳)

عاشِقِ رسول خاتون نے روتے روتے جان دیدی

       اُمُّ الْمؤمِنین حضرتِ سیِّدَتُنا عائِشہ صِدّیقہ رَضِیَ اللہُ عَنْہَا کی خدمتِ بابَرَکت میں حاضر ہو کرایک خاتون نے عَرْض کی: مجھے تاجدارِ رسالت،شَہَنْشاہِ نُبُوّت صَلَّی اللہُ عَلَیْہِ وَاٰلِہٖ وَسَلَّمَ کی مبارَک قبرکی زیارت کروا دیجئے ۔حضرتِ سیِّدَتُنا عائِشہ صِدّیقہ رَضِیَ اللہُ عَنْہَا نے حُجر ۂ شریفہ کھولا اور اُس عاشِقِ رسول خاتون نے قبر ِانور کی زیارت کرکے روتے روتے جان دیدی۔(الشفاء،جزء:۲،ص ۲۳ از عاشقانِ رسول کی 130