ہے۔^([1])

صَلُّوْا عَلَی الْحَبِیْب!                                                                                                صَلَّی اللّٰہُ عَلٰی مُحَمَّد

اے عاشقان ِ رمضان! رَمَضانُ المبارَک کے بعد شوّالُ الْمُکَرَّم کی آمدآمد ہے۔خوش نصیب مسلمان اس مہینے میں اِہتمام کے ساتھ عِیْدُالْفِطْر کے بعد6روزے رکھنے کی سعادت حاصل کرتے اور اس کی برکتیں پاتے ہیں۔آئیے!ہم بھی شَش عیدکے روزوں کے فضائل سنتے سنتی ہیں تاکہ ہمیں بھی یہ روزے رکھنے اور ان کی برکتوں سے فیضیاب ہونے کی سعادت نصیب ہو،چنانچہ

شَش عید کے روزوں کے فضائل

1. ارشاد فرمایا:جس نے رَمَضان کے روزے رکھے پھر چھ (6)دن شَوّال میں رکھے تو گناہوں سے ایسے نکل گیا جیسے آج ہی ماں کے پیٹ سے پیدا ہوا ہے۔(مجمع الزوائد، کتاب الصیام، باب فیمن صام …الخ، ۳ / ۴۲۵، حدیث:۵۱۰۲)

2. ارشاد فرمایا:جس نے رَمَضان کے روزے رکھے پھران کے بعدچھ(6)شَوّال میں رکھے۔ توایسا ہے جیسے عمر بھرکا روزہ رکھا۔(مسلِم، کتاب الصیام، باب استحباب صوم…الخ، ص ۵۹۲،  حدیث: ۲۷۵۸)

3. ارشاد فرمایا:جس نے عیدُالْفِطر کے بعد(شَوّال میں)چھ(6)روزے رکھ لئے تو اُس نے پورے سال کے روزے رکھے کہ جو ایک نیکی لائے گا اُسے دس(10)ملیں گی۔( ابن ماجہ، کتاب الصیام، باب الصیام ستۃ ایام    الخ، ۲/ ۳۳۳،  حدیث:۱۷۱۵)

     خَلیلِ مِلَّت حضرت علامہ مولانا مفتی محمد خلیل خان قادِری برکاتیرَحْمَۃُ اللّٰہ ِعَلَیْہ فرماتے ہیں:یہ روزے عید کے بعد مسلسل رکھے جائیں تب بھی حَرَج نہیں اور بہتر یہ ہے کہ ہر ہفتے میں دو (2) روزے