کرنے کےلئے آپ رَحْمَۃُ اللّٰہ عَلَیْہ نے کئی سفر اِختیار فرمائے،2 مرتبہ شام،مِصْر اورجزیرہ،4مرتبہ بَصر ہ اور کئی دفعہ(عِراق کے شہر)کُوفہ اور بغداد بھی تشریف لے گئے۔(سیر اعلام النبلاء، ابو عبداللہ البخاری… الخ، ذکر حفظہ   الخ،  ۱۰ / ۲۸۵ملخصاً)

صَلُّوْا عَلَی الْحَبِیْب!                                                                                                صَلَّی اللّٰہُ عَلٰی مُحَمَّد

پیاری  پیاری اسلامی بہنو! اللہ پاک اپنے بندوں کو جن نعمتوں سے نوازتا ہے، اُن میں سے ایک”یاد رکھنے والی قُوَّت“ کی نعمت بھی ہے۔جس کے ذریعے انسان دنیا بھر کی معلومات کو اپنے دماغ کی میموری(Memory)میں آسانی سے محفوظ کرلینے پر قدرت پالیتا ہے اور اِس سے بھرپور فائدہ اٹھاتا ہے۔ اَلْحَمْدُلِلّٰہ حضرت سَیِّدُنا امام بُخاری رَحْمَۃُ اللّٰہ عَلَیْہ کا شمار بھی اُنہی خوش نصیبوں میں ہوتا ہے، جنہیںاللہ پاک نے یاد رکھنے والی قُوَّت کی نعمت سے سَرفراز فرمایا تھا،آپ رَحْمَۃُ اللّٰہ عَلَیْہ نےبارگاہِ الٰہی سے ملنے والی اس شاندار نعمت اور بے مثال ذہانت کے ذریعے ہزاروں احادیثِ مبارَکہ کو اپنے دل و دماغ  میں محفوظ کرلیا تھا۔آئیے!حضرت سَیِّدُنا امام بُخاری رَحْمَۃُ اللّٰہ عَلَیْہ کییاد رکھنے والی قُوَّت کی چند دلنشین جھلکیاں سُنتے  سنتی ہیں،چنانچہ

ایک ہزار احادیث زبانی بَیان فرمادیں

ایک مرتبہ حضرت سَیِّدُنا امام بُخاری رَحْمَۃُ اللّٰہ عَلَیْہ(خُراسان کے ایک مشہور شہر)بَلْختشریف لے گئے،لوگوں نے آپ رَحْمَۃُ اللّٰہ عَلَیْہ سے حدیث سُنانے کی فرمائش کی تو آپ رَحْمَۃُ اللّٰہ عَلَیْہ نے ایک ہزار (1000)احادیثِ مبارَکہ زبانی بَیان فرمادیں۔(سیر اعلام النبلاء، ابو عبد اللہ البخاری   الخ، ۱۰/ ۲۸۹)

16 دن میں 15ہزار احادیث

حضرت سَیِّدُنامحمد بن اَبِی حاتِم اورحضرت سَیِّدُنا حاشِد بن اِسماعىل رَحْمَۃُ اللّٰہ عَلَیْہِما بَىان کرتے ہىں: