اِس کا تَجْرِبَہ ہوچکا ہے۔(بستان المحدثین،ص۲۷۴ملخصاً)حکیمُ الاُمّت حضرت مفتی احمد یار خان نعیمی رَحْمَۃُ اللّٰہ عَلَیْہ فرماتے ہیں:بعدِ قرآن شریف صحیح تر کتاب بُخاری شریف مانی  گئی ہے،مصیبتوں میں خَتْم ِ بُخاری کیا جاتا ہے،جس  کی بَرَکت اور اللہ پاک کے فَضْل  سے  مصیبتیں ٹل جاتی ہیں۔(مرآۃ المناجیح،۱/ ۱۱ ملخصاً)

صَلُّوْا عَلَی الْحَبِیْب!                                                                                                صَلَّی اللّٰہُ عَلٰی مُحَمَّد

مجلس اِصْلاح برائے قیدیان

اےعاشقانِ رسول!آپ نے سنا کہ”صحیح بخاری“ کیسی برکتوں والی کتاب ہے اور اس کی بَرَکت سے کیسے کیسے مسائل حل ہوجاتے ہیں۔تو آئیے!آپ بھی فَیضانِ امام بُخاری اور فیضانِ صحیح بخاری سے مالا مال ہونے کے لئے عاشقانِ رسول کی مَدَنی تحریک دعوتِ اسلامی کے مَدَنی ماحول سے وابستہ ہو کر خدمتِ دین کے لئے اپنی خدمات پیش کیجئے۔اَلْحَمْدُلِلّٰہ عاشقانِ رسول کی مَدَنی تحریک دعوتِ اسلامی دُنیا بھر میں خدمتِ دین کے کم و بیش107شُعبہ جات میں سُنّتوں کی دُھومیں مچارہی ہے،جن میں سے ایک شعبہ”مجلس اِصلاح برائے قیدیان“بھی ہے۔اَلْحَمْدُلِلّٰہ!اِس مجلس کے ذریعے مُسلمان قیدیوں کی سُنَّتوں بھری تَربِیَت کے لئے دُنیا کے کئی جیل خانوں(Jails) میں مَدَنی کام کی ترکیب ہے۔پاکستان کی کئی جیلوں میں تعلیمِِ قُرآن کے لئے مَدْرَسے قائم ہوچکے ہیں،اِنْ شَآءَ اللہ تمام جیلوں میں یہ مَدارس قائم کئے جائیں گے۔کئی جیلوں میں روزانہ شیخِ طریقت،امیرِاَہلسُنَّت دَامَتْ بَرَکاتُہُمُ الْعَالِیَہ کےرسائل سے دَرْس دیا جاتاہے،مُختلِف جیلوں میں ماہانہ و ہفتہ وار اِجتماعِ ذِکْرو نعت کا سِلْسِلہ بھی ہوتا ہے،دُکھیارے قیدیوں کو مجلس مکتوبات و تعویذاتِ عطّاریہ کے دئیے ہوئے تعویذات فِیْ سَبِیْلِ اللہ پہنچائے جاتے ہیں،رہائی پانے والوں کی تَربِیَت کے لئے مُختلِف کورسِز کا اِہْتمام کیا جاتا ہے ،مَثَلاً41دن کا مَدَنی اِنعامات و مَدَنی قافِلہ کورْس،63دن کا مَدَنیتَرْبِیَتِی کورْس،12روزہ مَدَنی کورْس،