کوشش سے کوئی نماز پڑھنے والی بن گئی ،دُرست قرآنِ کریم پڑھنے والی بن گئی تواللہپاک کی رحمت سے اُمید ہے کہ ثواب کا بہت بڑاخزانہ جمع ہوجائے گا۔اِنْ شَآءَ اللہ

صَلُّوْا عَلَی الْحَبِیْب!                                             صَلَّی اللّٰہُ عَلٰی مُحَمَّد

تلاوت كا ذوق اور بُزُرْگانِ دِیْن رَحْمَۃُ اللّٰہ ِ  عَلَیْہِمْ اَجْمَعِیْن

اے عاشقانِ اولیا اسلامی بہنو! ہمارےبُزرْگانِ دِین رَحْمَۃُ اللّٰہ ِ  عَلَیْہِمْ اَجْمَعِیْن ساری زندگی نبیِّ کریم صَلَّی اللّٰہُ عَلَیْہِ واٰلہٖ وَسَلَّمَ کےفرامین پر عمل کرتے ہوئےگُزارتے ہیں،یہ خوش نصیب حضرات فرائض و واجبات کی ادائیگی کےساتھ ساتھ  سُنَّتوں اور مُسْتَحَبَّات بھی پابندی سے اَدا  کرتے ہیں،شوق و مَحَبَّت سے راتوں کو جاگ کر اللہ پاک کی عِبادت کرتے اور دن کو روزہ رکھتے ہیں،یہ نیک سیرت لوگ نہ صرف خود قرآنِ پاک کی تلاوت کثرت سے کرتے ہیں بلکہ مسلمانوں کو  بھی قرآنِ پاک کی تعلیم دیا کرتے ہیں۔ آئیے! ترغیب کے لئے بُزرْگانِ دین رَحْمَۃُ اللّٰہ ِ  عَلَیْہِمْ اَجْمَعِیْن کے چند واقعات سنتی ہیں تاکہ ہمارا بھی ذہن (Mind)بنے اور ہم بھی ان نیک لوگوں  کے نقشِ قدم پر چلتے ہوئے زیادہ سے زیادہ تلاوتِ قرآنِ کریم  کرنے والی  اور دوسری اسلامی بہنوں  کو پڑھانے والی  بن جائیں،چنانچہ

عبادت وریاضت دیکھ کرقبول ِاسلام

امیرُالمؤمنین حضرت سَیِّدُناابوبکرصِدِّیقرَضِیَ اللّٰہُ عَنْہُنےابتدائےاسلام میں اپنےگھرکے صحن میں ایک مسجدبنائی تھی، جہاں آپرَضِیَ اللّٰہُ عَنْہُقرآنِ پاک کی تلاوت کرتےاورنماز پڑھا کرتےتھے، لوگ آپ رَضِیَ اللہُ عَنْہُ کے اس ایمان افروز منظر کو دیکھ کر آپ رَضِیَ اللہُ عَنْہُ کے آس پاس جمع ہوجاتے، آپ رَضِیَ اللہُ عَنْہُ کی تلاوتِ قرآن،عبادت و ریاضت اور خوفِ خدا میں رونا لوگوں کو بہت مُتَأَثِّر کرتا