تلاوت کرتے  رہتے ہیں،ان کے دلوں کو سکون و اطمینان نصیب ہو جاتا ہے،ایسے خوش نصیب لوگوں پر رحمتِ الٰہی کی چھما چھم برسات ہوتی ہے،آخرت میں انہیں جنت میں داخل کیا جائے گا حتّٰی کہ ان کو قرآنِ پاک کی تلاوت کرنے کےمُطابق جنت کے درجات طے کروائے جائیں گے۔لہٰذا ہمیں روزانہ وَقْت نکال کر خُوش دِلی کےساتھ قرآنِ کریم  کی تلاوت کرنے کی عادت (Habit) بنانی چاہئے تاکہ ہم بھی قرآنِ پاک کی برکتیں حاصل کر سکیں۔

صَلُّوْا عَلَی الْحَبِیْب!                                             صَلَّی اللّٰہُ عَلٰی مُحَمَّد

عاشقانِ رسول اسلامی بہنو! ہماری خوش نصیبی ہے کہ اللہ پاک نے ہمیں ایک مرتبہ پھر ماہِ رمضان کی مَدَنی بہاریں دیکھنا نصیب فرمائیں۔یاد رکھئے!ماہِ رَمَضان”قرآنِ کریم کے تشریف لانے کا مہینا “بھی ہے۔اگرہم اِس مبارَک مہینے میں بھی تلاوتِ قرآن نہ کر سکیں توکتنی بڑی محرومی ہے۔یہی وہ مبارَک مہینا ہے  جس میں نفل کا ثواب فرض کے برابراورفرض کا ثواب70گُنا بڑھا دِیا جاتاہے۔اِس مبارَک مہینے کی تشریف آوری سے فائدہ اُٹھاتے ہوئےآئیے!نِیَّت کیجئے کہ  بالخصوص اس مُقَدَّس مہینے میں کثرت کے ساتھ تلاوتِ قرآن کی سعادت حاصل کریں گی۔روزانہ ایک وَقْت مقررکر لیجئے،مَثَلاً اتنے بجے سے اِتنے بجے تک میں اِتنی تلاوتِ قرآن کی سعادت حاصل کروں گی۔حضرت سَیِّدُنا عبدُاللہ بن عمر رَضِیَ اللہُ عَنْہُما نے تلاوتِ قرآن کی ایک مقدارمُقَرَّرکی ہوئی تھی۔اس دوران آپ رَضِیَ اللہُ عَنْہُ کسی سے بات چیت نہیں کرتے تھے۔

بالفرض قرآنِ کریم پڑھنا نہیں آتا تو مدرسۃ المدینہ بالغات میں داخلہ لے کرسیکھنے کی کوشش کیجئے، اَلْحَمْدُ لِلّٰہمدرسۃ المدینہ بالغات  میں بڑی عمر کی اسلامی بہنوں کو قواعدو مخارج کے ساتھ قرآن پاک پڑھنا سکھایا جاتا ہے، اگرپڑھنا جانتی ہیں تو دُوسروں کو سکھائیے۔ یہ بہت بڑی نیکی ہے،اگرہماری تھوڑی سی