حضرت سَیِّدُنا شیخ بَہاءُالدِّین زَکَرِیَّا مُلتانی رَحْمَۃُ اللّٰہ ِعَلَیْہ نےایک(مرتبہ)رات کے وَقْت اپنے دوستوں سے ارشاد فرمایا:تم میں کوئى اىسا شخص ہے جو آج کی رات دو رکعت نماز ادا کرے اور ایک رکعت میں مکمل قرآنِ پاک کی تلاوت کرے۔وہاں موجود حاضرىن مىں سے کسى کو ہمّت نہ ہوئى۔سَیِّدُنا شیخ بَہاءُالدِّین زَکَرِیَّا رَحْمَۃُ اللّٰہ ِعَلَیْہ خود کھڑے ہوئے اور2 رکعت  نماز شروع کردی۔پہلى رکعت مىں پورا قرآنِ کریم اور 4 پارے مزیدتلاوت فرمائےاور دوسرى رکعت مىں سورہ ٔاخلاص پڑھى اور نمازمکمل کر لی۔(فواد الفوائد  مترجم، پانچویں مجلس،ص۶۲ ملخصاً)

صَلُّوْا عَلَی الْحَبِیْب!                                             صَلَّی اللّٰہُ عَلٰی مُحَمَّد

اے عاشقانِ اولیا اسلامی بہنو! آپ نے سنا کہاللہ پاک کے نیک بندے کس قدر شوق و مَحَبَّت سے دن رات ربِّ کریم کا کلام پڑھتے رہتے تھے،اللہ پاک کے کلام سے اس قدر مَحَبَّت تھی کہ کچھ ہی دیر میں پورے قرآنِ پاک کی تلاوت فرما لیا کرتے تھے۔مگر افسوس!آج ہماری اکثریت قرآنِ پاک کی تعلیم سے نا واقف ہے،بعض  تو ایسی بھی ہیں کہ جن کو قرآنِ پاک دیکھ کر پڑھنا بھی نہیں آتااور جن کو پڑھنا آتا ہے  وہ بھی سالوں سال تک قرآنِ پاک کھول کر نہیں دیکھتیں ،کئی کئی مہینے(Months)گزر جاتے ہیں مگر ہمارے گھر تلاوت کی بَرَکت سے محروم رہتے ہیں۔آئیے!ہم بھی نِیَّت کرتی  ہیں کہ آج سے ان احادیثِ مبارَکہ پر عمل کرتے ہوئے،ان نیک سیرت لوگوں کی اَداؤں کو اپناتے ہوئے ہم خود بھی قرآنِ پاک پڑھیں  گی اور دوسر ی اسلامی بہنوں  کو بھی قرآن ِ پاک پڑھنے کی ترغیب دلائیں گی۔

اَلْحَمْدُ لِلّٰہ!دعوتِ اسلامی  عاشقانِ رسول کی  وہ  مَدَنی تحریک ہے جس کے مَدَنی مقصد میں فیضانِ قرآن کوعام کرنے کی ترغیب شامل ہے،وہ مَدَنی مقصد کیا ہے؟آئیے !ہم بھی دُہرالیتی ہیں:”مجھے اپنی