حضرت سَیِّدُنا علی بن حُسین رَحْمَۃُ اللّٰہ عَلَیْہفرماتے ہیں:’’عَلَامَۃُ اَھْلِ السُّنَّۃِ کَثْرَۃُ الصَّلَاۃِ عَلٰی رَسُوْلِ اللہیعنی رسُول اللہ صَلَّی اللّٰہُ عَلَیْہِ واٰلِہٖ وَسَلَّمَ پرکثرت سے دُرُودپڑھنا اَہلِ سُنَّت کی علامت ہے۔(القول البدیع، الباب الاول فی الامر بالصلاۃ علی رسول اللہ…الخ،ص۱۳۱)

اَلْحَمْدُلِلّٰہ!اللہ  پاک کے کرم سےعاشقانِ رسول اَذان سے پہلے،اَذان کے بعد،نمازِ جمعہ کے بعداوردیگرکئی مواقع پر دُرُود وسلام پڑھتے ہیں  اور بعض خوش نصیب تو ایسے بھی ہوتے ہیں  کہ مرتے وَقْت بھی ان کی زبان پر دُرُود وسلام کے ترانے جاری ہوجاتے ہیں  ۔

صَلُّوْا عَلَی الْحَبِیْب!                                             صَلَّی اللّٰہُ عَلٰی مُحَمَّد

  دُرُود وسلام کاحکم بغیر کسی قید کےہے

 پیارے پیارے اسلامی بھائیو!شیطان مردودجہاں  مسلمانوں  کو دیگر نیک اَعمال سے روکنے کی کوشش کرتا ہے،وہیں اَذان سےپہلےاور بعد دُرُود وسلام کےحوالے سے بھی طرح طرح کے وَسوسےدِلاتا ہے۔یادرہے!اللہ پاک نے پارہ22سُوْرَۃُ الْاَحْزاب کی آیت نمبر 56 میں کسی وَقْت کی قید کے بغیر ارشاد فرمایا:

”اے ایمان والو! اُن پر دُرُود اور خوب سلام بھیجو۔“اور جو چیز شریعت میں  بغیر کسی قید وشرط کے بیان کی گئی ہو تواس میں  اپنی طرف سے کوئی شرط یا قید لگانا دُرُست  نہیں ۔

صَلُّوْا عَلَی الْحَبِیْب!                                   صَلَّی اللّٰہُ عَلٰی مُحَمَّد

پیارے پیارے  اسلامی بھائیو! بزرگانِ دِین رَحْمَۃُ اللّٰہ ِ  عَلَیْہِمْ اَجْمَعِیْن نے ہماری آسانی کیلئےکثرت سے دُرُودِ پاک پڑھنے کی مختلف تعداد بیان کی ہے،اگر ہم ان میں سے کسی بھی عدد کو