( جامع صغیر،حرف الزای ،ص۲۸۰، حدیث :۴۵۸۰)

صَلُّوْا عَلَی الْحَبِیْب!                                                  صَلَّی اللّٰہُ عَلٰی مُحَمَّد

 پیارے پیارے اسلامی بھائیو!آئیے!اللہ پاک کی رضا پانے اورثواب کمانے کے لئےپہلے اَچّھی اَچّھی نیّتیں کر لیتے ہیں۔فَرمانِ مُصْطَفٰے صَلَّی اللّٰہُ عَلَیْہِ واٰلِہٖ وَسَلَّمَ ’’نِیَّۃُ الْمُؤمِنِ خَیْرٌ مِّنْ عَمَلِہٖ‘‘ مُسَلمان کی نِیَّت اُس کے عمل سے بہتر ہے۔ ^([1])

مَدَنی پھول:بیان میں جِتنی اَچّھی نیّتیں زِیادہ،اُتنا ثواب بھی زِیادہ۔

بَیان سُننے کی نیّتیں

٭نگاہیں نیچی کئے خُوب کان لگا کر بَیان سُنُوں گا۔٭ٹیک لگا کر بیٹھنے کے بجائے عِلْمِ دِیْن کی تَعْظِیم کے لیے جب تک ہو سکا دو زانو بیٹھوں گا۔٭صَلُّوْا عَلَی الْحَبِیْبِ، اُذْکُرُوااللّٰـہَ، تُوبُوْا اِلَی اللّٰـہِ  وغیرہ سُن  کر ثواب کمانے اور صدا لگانے والوں کی دل جُوئی کےلئے بُلند آواز سے جواب دوں گا۔٭بَیان کے بعد خُود آگے بڑھ کر سَلَام و مُصَافَحَہ اور اِنْفِرادی کوشش کروں گا ۔

صَلُّوْا عَلَی الْحَبِیْب!                                   صَلَّی اللّٰہُ عَلٰی مُحَمَّد

شعبان میرا مہینا ہے

پیارے پیارے  اسلامی  بھائیو!اَلْحَمْدُلِلّٰہ شَعْبَانُ الْمُعَظَّم کا مُبارَک مہینا جاری ہے،ہمیں  اس مُبارَک مہینے کا خوب ادب واحترام کرتے ہوئے زِیادہ سے زِیادہ عبادت و تلاوت  کرنی چاہیے۔