Book Name:Shetan Ki Insan Say Dushmani
تکبُّرسےنجات پانے کےلئے عاجزی کےفضائل کو سامنےرکھئےاوراس طرح ”فکرِ مدینہ‘‘(یعنی اپنا محاسبہ)کیجئےکہ جب حشر برپا ہوگااور ہرایک اپنے کئے کاحساب دے گا تو مجھےبھی اپنے ربّ کی بارگاہ میں اپنے اعمال کاحساب دینا پڑےگا،اگر تکبُّر کی وجہ سے میرا رَبّ مجھ سے ناراض ہوگیا اور مجھے جہنَّم میں جھونک دیا گیاتوجہنم کاہولناک عذاب کیسےبرداشت کر پاؤں گی ؟اس طرح اپناسوچ و بچاراورمحاسبہ (Self accountability)کرنے سے اِنْ شَآءَ اللہتکبُّرسے بچنےمیں کافی مدد ملےگی۔اسی طرح تکبُّراور دیگر بُرائیوں سےنجات کیلئےدُعا کا سہارا لیجئےکہ دُعا مومن کا ہتھیار ہے۔لہٰذا دُعا کیجئےکہ یَااللہ!میں نیک بنناچاہتی ہوں، تکبُّراوردوسری تمام بُرائیوں سےجان چھڑاناچا ہتی ہوں،مگرنفس و شیطان نے مجھے دبا رکھاہے ،تُو ان کے مقابلے میں مجھے کامیابی عطا فرما ، مجھے نیک بنا دے ،
صَلُّوْا عَلَی الْحَبِیْب! صَلَّی اللّٰہُ تَعَالٰی عَلٰی مُحَمَّد
پیاری پیاری اسلامی بہنو! شیطان کے مکروفریب اور دیگر گناہوں سے بچنے کےلئےعاشقانِ رَسُول کی مدنی تحریک دعوت اسلامی کےمدنی ماحول سے وابستہ ہوجائیے،اَلْحَمْدُ لِلّٰہ! عاشقانِ رسول کی مدنی تحریک دعوتِ اسلامی جہاں دنیا بھر میں نیکی کی دعوت کی دھومیں مچارہی ہے وہیں 105 شُعبہ جات کےذریعے زندگی میں مختلف شعبوں سے تعلق رکھنے والوں مسلمانوں کی بھی اصلاح کر رہی ہے اِنہی شُعْبہ جات میں سےایک شعبہ”مجلس ازدیادِ حُب“ بھی ہے، وہ پُرا نی اسلامی بہنیں جو پہلے آ تی تھیں مگر اب نہیں آتیں اُنہیں مَدَنی ماحول میں فَعال کرنا،اُن سے پیشگی وَقْت لے کر اِنْفِرادی طور پر گھر جاکر ملاقات کرنا، اُنہیں سُنّتوں بھرے اِجتماعات میں آنے کا ذہن دینا، اُنہیں مدرسۃُ المدینہ بالغات میں شرکت