تحریر فرماتے ہیں:پانچ(5)  سال کی عمر میں(حُضُور غوثِ پاکرَحْمَۃُ اللہِ عَلَیْہ )جب پہلی بار بِسْمِ اللّٰہ پڑھنے کی رَسم کے لیے کسی بُزُرگ کے پاس بیٹھے تو  اَعُوْذُ بِاللہِ مِنَ الشَّیْطٰنِ الرَّجِیْم اور بِسْمِ اللہِ الرَّحْمٰنِ الرَّحِیۡمِ پڑھ کر سورۂ فاتحہ اور الٓمٓ  سے لے کر 18 پارے پڑھ کر سُنا دئیے۔ اُن بُزُرگ نے کہا: بیٹے! اَورپڑھئے۔ فرمایا: بس مجھے اِتنا ہی یادہے، کیوں کہ میری ماں کو بھی اِتنا ہی یاد تھا، جب میں اپنی ماں کے پیٹ میں تھا ،اُس وَقت وہ پڑھا کرتی تھیں ، میں نے سُن کر یاد کرلیا تھا۔^([1])

ابتدائی تعلیم

ابھی آپ رَحْمَۃُ اللّٰہ ِ عَلَیْہ   چھوٹے ہی تھے کہ آپ رَحْمَۃُ اللّٰہ ِ عَلَیْہ کے والدِ محترم حضرت سَیِّد ابوصالح موسیٰ جنگی دوست رَحْمَۃُ اللّٰہ عَلَیْہ انتقال فرماگئے ،آپ رَحْمَۃُ اللّٰہ ِ عَلَیْہکے ناناجان حضرت سیدنا عبدُ اللہ صومعی رَحْمَۃُ اللّٰہ عَلَیْہ  نے آپ رَحْمَۃُ اللّٰہ ِ عَلَیْہ کی پرورش فرمائی جوکہ جِیلان شریف کے بزرگوں میں سے تھےاورنہایت متّقی و پرہیزگار بھی تھے۔ اِنہی سے حُضُور غوثِ پاک رَحْمَۃُ اللہِ عَلَیْہ نے ابتدائی  تعلیم و تَرْبِیَت  حاصل کی۔

حُضُور پرنور،محبوبِ سبحانی،شیخ عبدُ القادر جیلانی  رَحْمَۃُ اللہِ عَلَیْہ  سے کسی نے پوچھا: آپ نے اپنے آپ کو ولی کب سے جانا؟ ارشاد فرمایا: میری عمر دس (10)سال کی تھی،میں اپنے گھر سے مدرسے میں پڑھنے جاتا  تو فرشتوں کو دیکھتا، جو لڑکوں سے کہہ رہے ہوتے تھے کہ اللہ  پاک کے ولی کے بیٹھنے کے لیے جگہ کُشادہ کر دو۔^([2])

       حُضُور غوثِ پاک رَحْمَۃُ اللہِ عَلَیْہ  ابتدائی تعلیم حاصل کرنے کے بعد مزید عِلْمِ دِین  سیکھنے